وزیر اعظم تینٹ پارے کہ نواز شریف نا تران ءِ توپیرے، سینیٹر شبلی فراز

اسلا م آباد(آن لائن) بنجائی وزیر حوالکاری سینیٹر شبلی فراز پارینے کہ بنجائی دارالحکومت نا چاگڑد نارمل ءِ، بیرہ اسہ لوس اسے ٹی منہ سیاسی راہشون اس مچ مسنو، اے پی سی حکومت آ پریشر شاغنگ نا کوشست کننگ اٹی ءُ، ہچ ءُ این آر او اس ملپک، دا اپوزیشن ملک اتون ہراوڑ بیدادی کرینے اوفتا سزا ءِ کاٹوئی تمک تے۔ نواز شریف بیان اٹ ہچ ءُ پُوسکن ءُ ہیت اس کتنے، نواز شریف 2018 ٹی انتئے کشار ءِ کنے نا مہم اٹ ہم ہندن ءُ ہیت کرینے، نواز شریف آن ہرفنگے قومی ادارہ غاتا برخلاف بیانیہ دیر تننگ اٹی ءِ نے؟؟، کل واویلا وڈی خوری ءِ نت تا کیرغ آن کننگ کن کننگ انگ ءِ۔ اپوزیشن جماعت آتے اے پی سی آ بیان ترسا بنجائی وزیر حوالکاری پارینے کہ فیٹف بل نا مخالفت و ادارہ غاتا برخلاف مہم نواز شریف نا تران اٹ پاش ئس۔ داڑا بایدے بحث مرے کہ نواز شریف ءِ بیانیہ دنا کنڈ آن تننگ انگ ءِ۔ نواز شریف پارینے کہ گچین کاری تے مینیج کرسا ہنانے۔ نواز شریف اُست آن درے کہ او تینٹ 3 وار وزیراعظم مسنے۔