مسجد نبویؐ نا حویلی ٹی یکم محرم آن صف شاغنگ نا بنا مریک

مدینہ منورہ(آن لائن) مسجد نبوی الشریف ٹی کورونا رکھوک گام گیج آتے دوئی کرسا یکم محرم آن صف آتے شاغنگ نا بنا ءِ کننگانے۔ صف آتیا نمازی تا نیام اٹ فاصلہ کرسا نشان ہم خلنگک۔ سعودی میڈیا نا رداٹ کورونا وائرس آن بچنگ کن مسجد نبوی الشریف نا صحن تیان کل ءِ صف آتے اینگ کننگاسُس وخت اس کہ بروک آتے پارت کننگک کہ تینا جائے نماز ءِ تینتون اوار اتیر بریر۔ ادارہ امور مسجد نبوی الشریف نا کنڈآن جاری بیان اٹ پاننگانے کہ یکم محرم 1442 ہجری آن مسجد نبوی نا صحن او  کروک آ توسیع نا ہند آتیا صف آتے مالو نا وڑاٹ شاغنگ نا انتظام کننگانے۔ شاغوک آ صف آتیا اسہ نمازی اس ایلو نا نیام اٹ کم از کم 180 سینٹی میٹر نا فاصلہ تخنگک۔ دا بابت اٹ  فاصلہ تخسا صف آتیا نشان ہم خلنگ انگ ءِ۔ انتظامیہ نا پاننگ ءِ کہ بنائی مرحلہ ٹی 7 ہزار صف صحن و توسیعی ہند آتیا شاغنگک۔