مچ آ دنیا ٹی کورونادین آن زہمی بندغ آتا کچ اِراکروڑ 23 لکھ آن ودا

واشنگٹن، ریوڈی جنیرو، نئی دہلی (اے پی پی) مچ آ دنیا ٹی کورونا وائرس آن زہمی بندغ آتا کچ اِرا کروڑ 23 لکھ اسکان سرمسنے، دا ہلوک آ دین انا سوب آن داتم اسکان ہفت لکھ 84 ہزار آن زیات بندغ زوال مسنو۔ چارشنبے نادے آ امریکی میڈیا نا رداٹ دنیا نا چندی ملک آتیٹی کورونا وائرس نا تالانی و مرک آتا کچ اٹ پدریسہ ودکی مننگ ءِ۔ مچ آ دنیا ٹی کورونا نا پک زہمی تا کچ 22310342وخت اس کہ فعال زہمی تا کچ 6471340ءِ۔ چندی ملک آتیٹی داتم اسکان کورونا وائرس آن 784397 بندغ زوال مسنو۔ امریکہ ٹی کورونا وائرس آن زہمی بندغ آتا کچ 56 لکھ 55 ہزار آن گدرینگانے وخت اس کہ مچ آ ملک اٹ وائرس نا سوب داتم اسکان اسہ لکھ 75 ہزار آن زیات بندغ زوال مسنو۔ امریکہ ٹی کوروناوائرس نا ناجوڑ آتا کچ 5655974 اسکان سرمسنے۔ امریکی محکمہ جان جوڑی نا رداٹ ملک اٹی کورونا وائرس نا فعال زہمی تا کچ 24 لکھ 70 ہزار آن زیات ءِ۔ کمامدارآتارداٹ ملک اٹی داتم اسکان کورونا غان زہمی 3011098 بندغ دراخ جوڑ مسنو۔ داڑے برازیل اٹ کوروناوائرس آن زہمی بندغ آتا کچ 34 لکھ 11 ہزارآن گدرینگانے۔ وخت اس کہ مچ آ ملک اٹی وائرس آن داتم اسکان اسہ لکھ 10 ہزار آن زیات بندغ زوال مسنو۔ برازیل اٹی تدوک آ 24 گھنٹہ ٹی کوروناوائرس نا ریکارڈ 47784 پوسکن ءُ کیس مون آ بسنے ہراڑآن پک ناجوڑ آتا کچ 3411872 اسکان سرمسنے۔ برازیل اٹی دا وخت آ کوروناوائرس نا 747674فعال ناجوڑ ءُ۔ کمامدارآتارداٹ ملک اٹی کوروناوائرس آن زوال مروک آتا پک کچ 10019ءِ۔ برازیل کوروناوائرس نا ناجوڑ و زوال مروک آتا اعتبار اٹ دنیا نا ارٹ میکو غٹ آن بھلا زیات زہمی ملک ءِ۔ داکان بیدس بھارت اٹی ہلوک آ کورونا دین آن زہمی بندغ آتا کچ 27 لکھ 68 ہزار آن گدرینگانے وخت اس کہ مچ آ ملک اٹی وائرس آن داتم اسکان 53 ہزار بندغ زوال مسنو۔ ملک انا چندی ریاست آتیٹی تدوک آ 24 گھنٹہ ٹی کورونا وائرس نا 64 ہزار آن زیات پوسکن ءُ کیس رپورٹ مسنے۔ کمامدارآتا پاننگ ءِ داٹی مچ آ ملک اٹی کوروناوائرس آن پین 1092 بندغ زوال مسنو۔ بھارتی وزارت جان جوڑی نا حساب وکتاب نا رداٹ مچ آ ملک اٹی کوروناوائرس نا فعال کیس آتا کچ 6 لکھ 77 ہزار آن زیات ءِ۔ ملک اٹی کوروناوائرس آن غٹ آن زیات زہمی ریاست مہاراشٹر ءِ ہراڑے کورونا وائرس کیس آتا کچ 2 لکھ اسکان سرمسنے۔ سرکاری حساب وکتاب نا رداٹ بھارت اٹ جم وڑاٹ کورونا وائرس آن زہمی 2038585بندغ دراخ جوڑ مسنو۔