سپریم کورٹ: زالبول آتے کن خاص ءُ آسراتی ہند جوڑ کننگ نا فیصلہ

بڑزکو عدلیہ زالبول آتے کن انصاف نا فراوانی ٹی آسانی کن اہم ءُ گام اس ہرفسا زالبول آتے کن خاص ءُ آسراتی ہند اس جوڑ کننگ نا فیصلہ کرینے۔ دا ڈٹ انا ڈیزائن تا گو اڈ تننگا۔ ہراٹی سرسہب مروک ڈیزائنر ءِ اینو دوشنبے آ چیف جسٹس خاص ءُ دود اسے ٹی ایوارڈ ایتک۔ زالبول آسراتی ہند مچ آ ملک انا ڈویژنل جوڈیشل کمپلیکس اٹی جوڑ کننگک۔ چیف جسٹس یحییٰ آفریدی نا کماشی ٹی قومی عدالتی پالیسی ساز کمیٹی زالبول سینٹر جوڑ کننگ نا فیصلہ کرے۔ زالبول آسراتی ہند آتا ڈٹ انا ڈیزائن کن گو ہم اڈ تننگا۔ زالبول آسراتی ہند انا سرسہب ڈیزائنر نا پڑو اینو دوشنبے آ کننگک۔ سرسہب مروک ڈیزائنر کن ایوارڈ دود سپریم کورٹ اٹی اڈ تننگک۔ چیف جسٹس یحییٰ آفریدی سرسہب مروک ڈیزائن ءِ ایوارڈ ایتک۔