وزیر اعلیٰ نا غٹ محکمہ غاتے ہر پہلی آ کارکڑد رپورٹ پیش کننگ نا پارت

کوئٹہ ( آن لائن ) محکمہ ملازمت ہائے نظم ونسق نا جاری پڑو اسے نا رداٹ وزیراعلی بلوچستان جام کمال عالیانی صوبہ نا کل کمشنر و ڈپٹی کمشنر تے پارت کرینے کہ اوفتا ڈویژن و ضلع غاتے ٹی ساڑی کل انتظامی دفتر تا کارکڑد ءِ جوان کننگ کن اوفتا تُوئی بنداو آ دورہ ءِ کے و اوفتا رپورٹ ءِ جوڑ کرسا ہر تُو انا اولیکو تاریخ آ وزیراعلیٰ و ہر محکمہ نا ہمو سیکرٹری تون جمع کرفے۔ وزیراعلی بلوچستان مستی پارت جاری کرسا پارینے پارینے۔ کمشنر و ڈپٹی کمشنرک تینا دورہ غاتیٹی ہرمحکمہ نا جوان انگا کاریم تا ذکر ءِ کیر و داڑتون اوار ہرا جاگہ غا کاریم اٹ ڈیوالائی کننگانے، اوفتے ہمو وڑ آن ہمووڑ رپورٹ اٹ بیان کننگ نا زمواری اونا لخ اٹی ءِ، او اگہ اسہ رپورٹ اس کاریم تا برخلاف پیش تما تو ہمو کمشنر و ڈپٹی کمشنر نا برخلاف کانودی کارروائی کننگک۔