بورہ تنکی انکوائری کمیشن نا پک رپورٹ پورو، پگہ حکومت ءِ تننگک

0

Get real time updates directly on you device, subscribe now.

اسلام آباد :  بورہ نا تنکی آ بنجائی جاست پاستی ایجنسی (ایف آئی اے) نا جاست پاستی رپورٹ نا فرانزک کروک آ انکوائری کمیشن پک رپورٹ ءِ ٹہیفینے، نجی ٹی وی سرکاری حوالی تا رد اٹ پارینے کہ ایف آئی اے نا سروک واجد ضیاءپگہ رپورٹ ءِ بنجائی حکومت ءِ ایتک۔ 200 آن زیات پنہ غا تالان دا رپورٹ اٹی شوگر مل مالک آتا بیان تے ہم اوار کننگانے۔ حوالی نا رد اٹ رپورٹ اٹی اہم انگا بندغ آتیا خراج دزی نا دوبہ خلنگانے۔ و خراج دزی آ کارروائی کننگ نا سلاہ تننگانے۔ یات سلے کہ تدوک آ دے بورہ تنکی آ بنجائی جاست پاتسی ایجنسی (ایف آئی اے) نا جاست پاستی رپورٹ اٹی پاننگاسس کہ ملک اٹی بورہ نا تنکی آن غٹ آن زیات فائدہ حکمران جماعت نا اہم انگا راہشون جہانگیر ترین ہرفیسس۔ ارٹمیکو نمبر آ بنجائی وزیر خسرو بختیار نا ایلم و مسٹمیکو نمبر آ حکمران سیوت اٹ اوار مونس الٰہی نا کمپنیک فائدہ ہرفیسر۔ چینی تنکی نا ایف آئی اے رپورٹ نا داسہ فرانزک کننگ انگ ءِ، ہرانا رپورٹ ءِ 25 اپریل آ وزیراعظم عمران خان ءِ تروئی ئس، ولے کمیشن نا خواست آ دادے مسہ پین ہفتہ نا وخت تننگاسس۔

Get real time updates directly on you device, subscribe now.

Leave A Reply

Your email address will not be published.