ڈپٹی کمشنر کوئٹہ و اونا ٹیم ءِ خراج تحسین پیش کینہ ‘منظور کاکڑ
Get real time updates directly on you device, subscribe now.
کوئٹہ (آن لائن) بلوچستان عوامی پارٹی نا بنجائی جنرل سیکرٹری سینیٹر منظور کاکڑ پارینے کہ ڈپٹی کمشنر کوئٹہ و اونا ٹیم ءِ خراج تحسین پیش کینہ کہ ہرا وڑ اوفتا ٹیمک دے ونن خواری کرسا لاک ڈاﺅن ءِ برجاتخنگ تون اوار بندغ آتے ٹی راشن بشخار‘ بے خلیس آن ضلعی انتظامیہ نا کارندہ غاک کورنٹائن سینٹرتے ٹی الس ءِ آسراتی فراوان کریر ہرانا سوب آن افسر آتون اوار کارندہ غاک کورونا غان زہمی ہم مسر ہرافتا دراخ جوڑی کن اللہ تعالیٰ آن خصوصی دعا کینہ۔ دا خیال آتا درشانی ءِ او ضلعی انتظامیہ تون اوار کوئٹہ شار اٹ لاک ڈاﺅن، دفعہ 144 آ عملدرآمد و غریب آتے ٹی راشن بشخنگ نابابت سرجم آتیان معلومدار کننگ ناوخت آ ہیت وگپ کرسا کرے۔ او پارے کہ ڈپٹی کمشنر کوئٹہ اورنگزیب بادینی ہرا وڑ تینا ٹیم اتون اوار دے ونن کوشست کرے‘ کل بندغ آک خراج تحسین کڑزرہ۔