کوہلو‘ضلعی انتظامیہ ناکنڈآن صوبائی حکومت نا پرمان نا رد اٹ 8سَد خاہوت ءِ راشن تننگا
Get real time updates directly on you device, subscribe now.
کوہلو (خ ن ) صوبہ ناایلو ضلع غاتیانبار کوہلو ٹی ہم ضلعی انتظامیہ ناکنڈآن صوبائی حکومت نا پرمان نا رد اٹ ضلع نا چندی علاقہ غاتے ٹی کورونانا سوب آن لاک ڈاﺅن آن زہمی بندغ آتے ٹی راشن بشخنگ نا چرجوئی برجاءِ‘دا وخت اسکان ضلع نا کیبی علاقہ غاتے ٹی 8 سَد آن زیات غریب خاہوت آتے ٹی راشن فراوان کننگانے۔ راشن بشخنگ نا وخت آ کورونا نا گمانی خلیس ناسوب آن رکھی گام گیج کننگا۔ ضلعی انتظامیہ نا رد اٹ صوبائی حکومت نا خصوصی پرمان نارد اٹ غریب و دیہاڑی دار مزورکار بندغ آک ہراکہ لاک ڈاﺅن آن زہمی مسنو اوفتے ریلیف رسیفنگ کن صوبائی حکومت ناکنڈآن تروک خصوصی گرانٹ ءِ ساف وشفاف وڑ اٹ غریب آتسکان سر کننگ انگ ءِ۔ ضلع نا چندی علاقہ غاتے ٹی دا وخت اسکان 8سَد راشن فراوان کننگانے ہرافتے ٹی نُت‘ بورہ‘ برنج‘ دال‘ سی وچا انا پتی اوار ءُ۔