شام انا وزیر خارجہ اسعد حسن الشیبانی اینو پاکستان آ بریک

اسلام آباد، شام انا وزیر خارجہ اسعد حسن الشیبانی اینو چار شنبے نادے اِرا دے ئی سرکاری دورہ غا پاکستان بننگ اٹی ءِ‘ ہرا ہڑتوم آ ملک آتا سفارتی تعلقداری ٹی اسہ اہم ءُ پیش رفت اس گوندنگ انگ ءِ۔ حوالی تا رِداٹ دا دورہ شام انا پوسکن آ عبوری انتظامیہ تون پاکستان نا ودوک آ سفارتی رابطہ غاتا بشخ اسے۔داسہ نا حالیت آتے ٹی پاکستانی بڑزکو کہولی ڈل دمشق نا دورہ کرسا شامی سرکڑدہ غاتتون اوڑدہی کریسس، وخت اس کہ داسہ شامی وزیر خارجہ نا اسلام آباد آبننگ ہڑتوم آ ملک آتا نیام اٹی تعلقداری تے پین سوگو کننگ نا کنڈ آ اہم ءُ گام اسے۔ دورہ نا وخت آ ہڑتوم آ کنڈانا تعلقداری، سیاسی و سفارتی کمکاری و تین پہ تینی استخواہی نا علاقائی باندات آتیا گپ وتران کننگ نا اومیت ارے۔