حیات بلوچ نا خون انا دڑد ءِ کیمرہ نا خن سوشل میڈیا غا پاش کرے، سردار اختر مینگل

کوئٹہ(آن لائن)بلوچستان نیشنل پارٹی نا کماش و قومی اسمبلی نا باسک سرداراخترجان مینگل پارینے کہ حیات بلوچ نا خون و دانا لمہ باوہ نا مار انا لاش اتون اُست ءِ خوڑت کروک آ فوٹو نہ بیرہ انسانی خن وخت اس کہ کیمرہ نا خن سوشل میڈیا غا پاش کرے، وخت اس کہ دا ڈیہہ انا ویرانہ تے ٹی کیہی حیات آتے بے قبر و کفن دفن کننگانے، ہرافتا لمہ باوہ غاک نہ ماتم کننگ کیرہ او نہ انتظار کننگ کیرہ۔ راجی رابطہ نا ویب سائٹ ٹویٹر آ تینا جاری کروک آ کلہو اٹ پارینے کہ حیات نا خون او اونا لمہ باوہ نا مار انا لاش اتون اُست ءِ خوڑت کروک آ فوٹو ننے ہندا سوب آن نظر بننگ اٹی ءِ کہ سانحہ شار انا ماس آ مس او ہرادے نہ بیرہ انسانی خن وخت اس کہ کیمرہ نا خن ہم سوشل میڈیا غا پاش کرے ایہن تو دا ڈیہہ انا سرزمین نا ویرانہ غاتے ٹی کیہی حیات آک بے گور و کفن دفن کننگانو ہرافتا لمہ باوہ غاک نہ ماتم کننگ کیرہ او نہ انتظار، بیرہ اسہ بندغ اسے سزا تننگ آن انصاف نا تقاضہ غاک پورو مفسہ۔ ہمووخت اسکان کہ حیات و ہزار آ بندغ آتا خونی تا پد آن دا ذہنیت نا ایسری ءِ کننگپ۔