حیات اللہ نا خونی ءِ ہمو وخت آ پولیس نا دوٹی تننگانے، ترجمان ایف سی بلوچستان 

0

Get real time updates directly on you device, subscribe now.

تربت(آن لائن)آئی جی جی ایف سی نا کہوک آ حیات بلوچ نا اُرا غا بس، خاہوت تون دا وخت اسکان کارروائی آ اُست خواہی نا درشانی، حوال نا رداٹ ایف سی ساؤتھ بلوچستان نا ترجمان تینا پریس ریلیزبیان اسے ٹی پارینے کہ آئی جی ایف سی میجر جنرل سرفراز علی تدوک آ دے تیٹی زوال مروک آ طالبعلم حیات بلوچ نا خاہوت تون اونا اُرا ٹی اوڑدہی کرے او ہڑزخواہی کرسا پارے کہ نن حیات بلوچ نا خاہوت نا غم اٹ بریبر نا شریکدار اُن، او یقین اٹ پانہ کہ ایف سی بحیثیت ادارہ حیات بلوچ نا خاہوت تون اوار سلوک ءِ۔ انصاف نا تقاضہ غاتے پورو کننگک، حیات بلوچ نا باوہ و ایلم دا کیس اٹ ایف سی نا وخت آ کارروائی نا ستا ءِ کریر ہراٹی دوبہ دار ءِ بیدس پریشر آن پولیس نا حوالہ کریر و معاملہ نا جاست و پاست اٹ کمک کریر دا بابت اٹ ہیت وگپ کرسا حیات بلوچ نا خاہوت اعتماد نا درشانی ءِ کرے او کیس نا کارروائی آ مطمئن خننگار۔ 

Get real time updates directly on you device, subscribe now.

Leave A Reply

Your email address will not be published.