پی ایس ایل تون گنڈوک کل 128 بندغ آتا کرونا ٹیسٹ منفی بس

0

Get real time updates directly on you device, subscribe now.

اسلام آباد (مانیٹرنگ ڈیسک) پاکستان کرکٹ بورڈ پاکستان سپر لیگ تون گنڈوک آ کل بندغ آتے کووڈ-19 ٹیسٹ انا نتیجہ نا منفی بننگ ءِ پک کرے۔ پاکستان کرکٹ بورڈ پی ایس ایل تون گنڈوک کل بندغ آتا کرونا وائرس نا ٹیسٹ ءِ کرفنگ نا فیصلہ کریسس ہرانا رداٹ گوازی گرک، سپورٹ اسٹاف باسک آک، میچ آفیشل آک، براڈ کاسٹرک و ٹیم تا مالک آتا ٹیسٹ ءِ کننگا۔ پی سی بی 17مارچ آ پی ایس ایل اٹ اوار 128 بندغ نا ٹیسٹ ءِ کرفے ہرانا رداٹ کل انا تا نتیجہ غاک منفی بسر وخت اس کہ ملتان سلطانز نا کنڈآن 16 مارچ دو شنبے آ کرفوک آ کرونا وائرس نا کل 17 ٹیسٹ نا نتیجہ غاک منفی بسنو۔ پی سی بی کرونا وائرس نا کل 128 ٹیسٹ آتا منفی بننگ ءِ پک کرینے۔ دا بابت اٹ پی سی بی نا چیف ایگزیکٹو وسیم خان پارینے کہ کل گوازی گرک و میچ آفیشل آک رکھوک ءُ جانجوڑ ءُ، اوفک بیدس خلیس آن ولدا تینا خاہوت نا بشخ جوڑ مسنو۔ وسیم خان پارینے کہ پی سی بی تینا ملازم آتا پورو وڑاٹ رکھ اکن گام گیج کننگ اٹی ءِ۔ یات سلے کہ پاکستان کرکٹ بورڈ کرونا وائرس نا خلیس نا سوب آن پاکستان سپر لیگ نا ایلو میچ آتے چٹفنگ نا فیصلہ کننگانے ہرافتے پدی ری شیڈول کننگک۔

Get real time updates directly on you device, subscribe now.

Leave A Reply

Your email address will not be published.