پارلیمنٹ نا اسیجائی دیوان، حکومتی بل آک منظور

0

Get real time updates directly on you device, subscribe now.

اسلام آباد: پارلیمنٹ گچین کاری ایکٹ 2017ء اٹی پین ترمیم کننگ نا ’گچین کاری ترمیم دوئم بل 2021ء‘ نا گیشتری نا سلاہ اٹ منظوری ءِ تس، وخت اس کہ اپوزیشن نا کنڈ آن پیش کروک ترمیم آک مسترد کننگار۔ اپوزیشن الیکشن ایکٹ اٹی ترمیم نا بل انا منظور مننگ آ واک آؤٹ کرے، ولے بل گیشتری نا سلاہ اٹ منظور کننگا۔ دا بل انا منظوری آن پد لس گچین کاری تیٹی الیکٹرانک ووٹنگ مشین (EVMs) تا کاریم اٹ اتنگ و پیشن ملک ہندی پاکستانی تے وونٹ انا حق رسینگ کیک۔ چار شنبے نا دے پارلیمنٹ نا اسیجائی دیوان اٹی وزیراعظم عمران خان نا پارلیمانی سلاہکار بابر اعوان گچین کاری ایکٹ 2017ء اٹی پین ترمیم کننگ نا بل ’گچین کاری ترمیم دوئم بل 2021ء‘ آئین نا آرٹیکل 70 نا شق (3) نا رد اٹ دمدستی سجفنگ کن تحریک پیش کرے، ہرادے ایوان منظور کرے، اوکان پد ایوان آن بل انا اسہ اسہ ٹِک آ منظوری ہلنگا۔ دا بل انا شق نمبر 2 آ اپوزیشن محسن داوڑ نا کنڈ آن ترمیم پیش کننگا، ولے بابر اعوان اونا مخالفت ءِ کرے و پارے کہ دا بل بھلو وخت اسے آن چلینگ انگ ءِ، بل آ 90 دے اسکان سینیٹ اٹ سجفنگا، دافک دادے پد بٹنگ خوارہ، دا ترمیم نا گرج اف۔ دا بابت ایوان آن سلاہ ہلنگا و گیشتری نا سلاہ اٹ ترمیم ءِ مسترد کننگا۔ اوکان پد اپوزیشن نا کنڈ آن چیلنج کننگ آ داڑا ووٹنگ کرفنگا، تحریک نا مخ تفی ٹی 221 و مخالفت اٹی 203 وونٹ بسر، و دن دا تحریک منظور کننگا۔ پارلیمانی سلاہکار ڈاکٹر بابر اعوان ارٹمیکو ترمیم ءِ پیش کرے، و دادے ہم گیشتری نا سلاہ اٹ منظور کننگا۔ شق (3) اٹی مسہ ترامیم ئسر۔ بابر اعوان داڑا تینا ترمیم ءِ پیش کرے ہرا منظور کننگا۔ سینیٹر مشتاق احمد خان ترمیم پیش کرے، پارلیمانی سلاہکار ڈاکٹر بابر اعوان اونا مخالفت ءِ کرے و مشتاق احمد خان نا ترمیم مسترد مس۔ اوکان پد بابر اعوان گچین کاری ایکٹ 2017ء اٹی پین ترمیم نا بل ’گچین کاری ترمیم دوئم بل 2021ء‘ ءِ منظوری کن پیش کرے، ہرادے ایوان نا گیشتری نا سلاہ اٹ منظور کننگا۔ دا بل انا رد اٹ پردیسی پاکستانی تے وونٹ انا حق تننگ کن الیکشن کمیشن، نیشنل رجسٹریشن اینڈ ڈیٹا بیس اتھارٹی (نادرا) و ایلو ایجنسی تیان تکنیکی کمک دوئی کننگک۔ بل انا رد اٹ الیکٹرانک ووٹنگ مشینوں (EVMs) ہلنگک۔ پارلیمنٹ نا اسیجائی دیوان اٹی بھارتی جاسوس کلبھوشن یادیو نا بابت ’جہانی عدالت انصاف اول سر جاچ و ولدا سجفنگ نا بل 2021‘ ہم منظور کننگا۔ دا بل ءِ بنجائی وزیر کانود بیرسٹر فروغ نسیم پیش کرے، ہرادے گیشتری نا سلاہ اٹ منظور کننگا۔ دا بل انا مسخت کلبھوشن یادیو نا بابت جہانی عدالت انصاف (ICJ) نا فیصلہ ءِ سر تننگ ئس۔ دا بل آ ہم اپوزیشن نا باسک آتا کنڈ آن وونٹ آتا حساب اٹی ردینک گوندنگا، و اسپیکر ڈائس ءِ گھیڑ کرسا برانز کننگا، وخت اس کہ اسپیکر قومی اسمبلی نا پاننگ ئس کہ حساب اٹ ہچ ءُ ردینک اس متنے۔

Get real time updates directly on you device, subscribe now.

Leave A Reply

Your email address will not be published.