ایف آئی اے: مراکش نا کسر اٹ اسپین آ ہننگ نا کوشست بے سہب

ایف آئی اے امیگریشن کراچی مراکش نا کسر اٹ اسپین آ کانود آن چَپ ہننگ نا اسہ کوشست اسے بے سہب کرسا اسہ مسافر اسے آف لوڈ کرے و مستی جاست پاست کن اینٹی ہیومن ٹریفکنگ سرکل آ گدریفے۔ ترجمان ایف آئی اے نا رِد اٹ آف لوڈ کروک مسافر نا پن محمد فرحان ولد عبدالستار ءِ ہرا مراکش نا بزنس ویزا غا سفر کننگ ئس۔ امیگریشن کلیئرنس نا وخت آ شکبر سفری معلومداری نا بنداو آ اودے سیکنڈری اسکریننگ کن ریفر کننگا۔ ترجمان نا رِد اٹ انٹرویو نا وخت آ مسافر پارے کہ او مراکش نا ویزا ءِ محمد فواد مقبول پنی آ ایجنٹ نیکسٹ اسٹیپ کنسلٹنٹس لاہور نا کمک اٹ دوئی کریسس۔ جاچ انا وخت آ مسافر آن مراکش نا بزنس ویزا، مسترد کروک بیلاروس انا ویزا درخواست و ایلو کاغد آک ہم دوئی مسر۔ ترجمان ایف آئی اے پارے کہ موبائل فون آن رسینگوک وائس کلہو، چیٹ و ایلو ڈیجیٹل شاہدی تیان معلوم مس کہ مسافر مراکش آن کشتی نا کمک اٹ کانود آن چَپ وڑاٹ اسپین و اوکان یورپی ملک آتیٹی ہننگ نا ارادہ کریسس۔