پاکستان جہانی امن کن اقوام متحدہ نا کڑد ءِ اہمیت ایتک، اسحاق ڈار

نائب وزیراعظم و وزیر خارجہ اسحاق ڈار شنگھائی ٹی ورلڈ اے آئی کواپریشن کانفرنس نا وخت آ اقوام متحدہ نا سیکرٹری جنرل انتونیو گوتریش تون اوڑدہی کرے، ہراٹی علاقائی و جہانی حالیت تون اوار تین پہ تینی استخواہی نا جتا جتا باندات آتیا جم گپ وتران کننگا۔ اوڑدہی نا وخت آ ہڑتوم آ سرکڑدہ غاک ساڑی علاقائی و جہانی چیلنج آتا جاچ ءِ ہلسا دا ہیت آ امنا کریر کہ دا ویل آتتون بھرمی وڑاٹ مون تننگ کن کثیرالجہتی کمک، جہانی شریداری و سوگو سفارتی رابطہ غاک المی ءُ۔ اسحاق ڈار پارے کہ پاکستان جہانی امن، مدامگی شونداری و جامع پیشرفت نا شونداری کن اقوام متحدہ نا کڑد ءِ اہمیت ایتک و جہانی برادری تون اوار اسیجائی چیلنج آتتون مون تننگ کن گچین کمک برجا تخنگ نا عزم آ سلوک ءِ‘ اوڑدہی ٹی جہانیسوگوی، کمک و شونداری کن اسیجائی کوشست آتے پین سوگو کننگ نا گرج آ ہم زور شاغنگا، وخت اس کہ امن، مدامگی شونداری و جامع پیش رفت نا شونداری نا عزم انا دوارگی کننگا۔