مفتی تقی عثمانی نا مسیت آتے آباد و عئید نماز جماعت اٹ خواننگ نا پڑو

مفتی تقی عثمانی نا مسیت آتے آباد و عئید نماز جماعت اٹ خواننگ نا پڑو

پنی آ عالمِ دین و شیخ الحدیث مفتی تقی عثمانی پارینے کہ مسلمانک روچہ مبارک نا گڈیکو عشرہ ٹی رکھی گام گیج کرسا جماعت اٹ نماز خوانسا مسیت آتے آباد کیر، و عئید نماز ہم جماعت اٹ خوانر۔

راجی رابطہ نا ویب سائٹ ٹوئٹر آ جاری کروک کلہو اٹی مفتی تقی عثمانی پارے کہ جہانی دین مرغن مرسا ہننگ اٹی ئِ۔ و دا حالیت اٹی نئے زند انا روزگار تے توننگ مریک، و نئے جم وڑ اٹ مروک عبادت آتے توننگ مریک۔

مفتی تقی عثمانی مسلمان تیان خواست کرے کہ اوفک برکتی آ تُو روچہ مبارک نا گڈیکو عشرہ نا بچوک آ ساہت آتے غنیمت تکسا بے خلیس آن رکھی گام تیج کرسا مسیت آتے آباد کیر۔ و عبادت و دعا تا خاص اہتمام ءِ کیر۔

او پارے کہ اومیت ءِ کہ حکومت تینا زمواری و مسلمان تا جوزہ غاتا درک ءِ خلسا مسیت آتیٹی عبادت کننگ اٹ اڑنگ شاغپک۔

مفتی تقی عثمانی پارے کہ ملک و ملت نا آسودہی، جہانی دین انا ایسری، و ملک آن بے چیٹی تا چٹنگ کن حکومت و شاریک تینا کڑد ءِ ادا کیر و دا مسخت آتا دوئی کننگ کن خصوصی دعا کیر۔