آسٹریلوی گوازی گرتا آئی پی ایل آن معاہدہ غاتے چٹفنگ نا گمان

0

Get real time updates directly on you device, subscribe now.

دہلی (مانیٹرنگ ڈیسک) انڈین پریمیر لیگ کن آسٹریلوی گوازی گرتا کنڈآن کنٹریکٹ چٹفنگ نا گمان ارے۔ بھارت تون اوار مچ آ دنیا ٹی کرونا وائرس نا تالانی آن پد آسٹریلوی گوازی گرتا بھارت آ بننگ سوج اسے، بھارتی بورڈ 15 اپریل اسکان آئی پی ایل مقابلہ غاتے کپننگ نا پڑو کرینے۔ پٹ کمنز،اسٹیواسمتھ،ڈیوڈوارنر،گلین میکسول تون اوار 17 آسٹریلوی گوازی گرک آئی پی ایل نا جتا جتا فرنچائز آتون معاہدہ کرینو۔ آسٹریلوی میڈیا رپورٹ آتا رداٹ گوازی گرک معاہدہ غاتے چٹفنگ نا بابت سجفنگ اٹی ءُ۔ ایلو کنڈآ کرکٹ آسٹریلیا نا چیف ایگزیکٹو کیون روبرٹس پارینے کہ گوازی گرک تینا جند انا مرضی ٹی آئی پی ایل اٹ معاہدہ کرینو، نن اوفتے ڈائریکٹ ہچو پارت اس تننگ کپنہ ولے ساڑی حالیت آتیٹی سلاہ تننگ کینہ تا، آئی پی ایل اٹ گوازی کروئی ءِ یا آخا‘ دا فیصلہ ءِ گوازی گرتے تینٹ کروئی ءِ۔

Get real time updates directly on you device, subscribe now.

Leave A Reply

Your email address will not be published.