صدر علوی نا چیف الیکشن کمشنر ءِ گچین کاری تا بابت ہلہلہ ئی دیوان نا پارت

اسلام آبا د : صدر مملکت ڈاکٹر عارف علوی چیف الیکشن کمشنر ءِ گچین کاری تابابت ہلہلہ ئی دیوان بٹنگ انگ نا پارت کرینے۔ ایوانِ صدر آن جاری کروک بیان نا رد اٹ صدر مملکت چیف الیکشن کمشنر آ چٹھی اس راہی کرینے ہراٹی صدر مملکت ناکنڈآن سکندر سلطان راجہ ءِ 20 فروری 2023 آ ایوان صدر اٹ سیکشن 57 اسٹ نا رد اٹ گچین کاری تا بابت سلابت نا سلہ خلنگانے‘ چٹھی ٹی پاننگانے کہ ایکٹ انا رد اٹ صدر مملکت لس گچین کاری نا تاریخ نا پڑو ءِ کمیشن نا سلاہ غان گڈ کیک‘ دا باندات آ لاہور ہائی کورٹ نا فیصلہ و سپریم کورٹ نا داسہ جاچ کون آ منہ اہم ءُ پیش رفت مسر۔ صدر مملکت الیکشن کمیشن ناکنڈآن بے حسی آ ترند مس وپارے کہ الیکشن کمیشن داسکان اولیکو چٹھی ناورندی ءِ تتنے۔ صدر مملکت پارے کہ ای بے صبری اٹ انتظار کننگ اٹ کہ کمیشن تینا آئینی فرض آتا احساس ءِ کیک و اونا وڑ اٹ کاریم کیک‘ اہم باندات آ الیکشن کمیشن نا است ہسون کروک رویہ غا نااومیتی مس۔ آئین نا رکھ انا تینا آئینی زمواری ءِ مون آ تخسا چیف الیکشن کمشنر ءِ تینادفتر اٹ گچین کاری تیا سلابت کن ہلہلہ اوڑدہی کننگ نا پارت کیوہ۔

(آن لائن)