پارلیمان غذائی رکھ اکن گچین کانود جوڑ کننگ نا بارواٹ سنبرینگوک ءِ، اسپیکر قومی اسمبلی

اسلام آباد، قومی اسمبلی نا اسپیکر سردار ایاز صادق پارینے کہ آب اٹنگا کنشت جان جوڑ زند انا ضامن ءِ۔ جہانی کنشت دے انا اڈ تننگ نا مسخت غذائی کاختی او بریبر غذا نا اہمیت ءِ تالان کننگ ءِ۔ غذائی رکھ و آب اٹ خور انا فراوانی قومی اولیتی آتیٹی بایدے اوار مرے۔ دا خیال آتا درشانی ءِ او جہانی خور دے آ تینا کلہو اٹی کرے۔ او پارے کہ کنشت اسکان انصاف اٹ رسینگ و اڑزان کنشت نا دوئی کننگ ءِ پک کننگ قومی فرض ءِ۔ ودوک آ آبادی تون دنیا ءِ کنشت نا کاختی مون تروک ءِ۔ موسمیاتی بدلی، دیر انا کاختی او کشت وکشار نا خڑچ اٹ ودکی کنشت نا کاختی نا بنداوی سوب آکءُ۔ کشاری بشخ اٹ پوسکن آ ٹیکنالوجی او سائنسی پٹ وپول نا مونی دننگ المی ءِ۔ پارلیمان غذائی رکھ اکن گچین کانود جوڑ کننگ کن سنبرینگوک ءِ۔ پارلیمانی چاروکی غذائی رکھ انا بابت حکومتی گام گیج آتے گچین جوڑ کننگ اٹ اہم اہمیت تخک۔ غذائی رکھ اکن قومی، علاقائی وجہانی کہول آ اسیجائی کوشست آتا گرج ءِ۔