سردار سرفراز ڈومکی نا یات آک مدام است آ مرور، میر سرفراز بگٹی

کوئٹہ، وزیراعلیٰ بلوچستان میر سرفراز بگٹی تینا متکن آ سنگت سردار سرفراز خان ڈومکی نا کزیہ دے آ اودے خراجِ عقیدت پیش کرسا پارینے کہ وخت اخس ترندی اٹ گدرینگک، دا نا احساس ہمو وخت آ مریک ہراتم تینا عزیز نا جتائی آ سال آک گدرینگر، ولدا ہم منہ بندغ تینا مہر، اخلاص و زیبا انگا یات آتا سوب آن ہچ گہس گوجالنگ مفسہ۔ راجی رابطہ نا ویب سائٹ فیس بک آ تینا تاثرات آتا درشانی ءِ کرسا وزیراعلیٰ میر سرفراز بگٹی پارے کہ سردار سرفراز ڈومکی اونا درستی تے ٹی بھاز شفیق، مسکین و مخلص بندغ آتیان ئس۔ او سادہ طبیعت، ڈغار تون گنڈوک، مہر کروک و ایلوفتا خیال تخوک ءُ بندغ اس ئس۔ وزیراعلیٰ پارے کہ سردار سرفراز ڈومکی ہر بندغ تون مہر و شرف اٹ پیش بسکہ۔ اونا سنگتی کن کن شرف انا سوب ئس واینو ہم اونا ساڑی گری، شفقت و اوڑتون تعلقدار گچین آ وخت بھاز یات بریک۔