سینیٹ و قومی اسمبلی نا دیوان آک اینو بٹنگ انگار
Get real time updates directly on you device, subscribe now.
قومی اسمبلی نا دیوان اینو دوشنبے، 17 اگست آ بیگہ نا 5 بجہ غا پارلیمنٹ ہاؤس اٹی بٹنگ انگانے۔ صدر مملکت آصف علی زرداری قومی اسمبلی نا دیوان آئینِ پاکستان نا آرٹیکل 54 نا شق (1) نا رداٹ تروک واکداری تے کاریم اٹ اتسا بٹنگانے۔ قومی اسمبلی سیکرٹریٹ نا رِد اٹ ساڑی دیوان 16 می قومی اسمبلی نا 29 می دیوان مریک‘ ہنداوڑ صدر مملکت آصف علی زرداری سینیٹ نا دیوان ءِ 17 اگست آ بیگہ نا 4 بجہ غا پارلیمنٹ ہاؤس اٹی بٹنگا، دیوان نا کماشی ءِ چیئرمین سینیٹ سید یوسف رضا گیلانی کیک۔ صدر مملکت آئین نا آرٹیکل 54(1) نا رداٹ سینیٹ نا دیوان ءِ بٹنگانے۔ سینیٹ نا دیوان اٹی ملکی و جہانی اہم باندات آتیا شرہ کننگک‘ وخت اس کہ سینٹ اٹ اہم قومی و جہانی باندات آتیا سجفنگک۔ دیوان نا وخت آ اہم کانود سازی تون اوار ملکی حالیت آتتون گنڈوک جتا جتا اہم باندات آتیا ہم شرہ کننگ گمان ءِ۔ سینٹ دیوان اٹی ملک ءِ مون تروک اہم انگا ویل، قومی باندات و ایلو اہم بانات آتیا باسک آک تینا خیال آتا درشانی ءِ کیرہ۔