ناصر حسین ءِ آئی پی ایل اٹ بابراعظم نا کمتی محسوس مس

لندن (مانیٹرنگ ڈیسک) انگلینڈ نا مسکوہی کیپٹن ناصر حسین ءِ آئی پی ایل اٹ بابر اعظم نا کمتی محسوس مس۔ اسہ انٹرویو اسے ٹی انگلش ٹیم نا 52 سال نا مسکوہی کیپٹن پارینے کہ پاکستان و بھارت نا سیاست اٹ تمنگ خواپرہ ولے لائخ آ ورنا بیٹسمین تے آئی پی ایل اٹ بایدے گوازی کرفنگے۔ او پارینے کہ دور حاضر نا گچین آ 4 بیٹسمین تا لڑ اٹ ویرات کوہلی، سٹیوسمتھ، کین ولیمسن و جو روٹ ءِ اوار کننگک، ولے کنا خیال اٹ دا جوانی 5 مرے،  بابر اعظم آن بیدس دا لڑ پورو اف۔ یات سلے کہ ناصر حسین ہر وخت بابر اعظم نا شیدائی اس مسنے، ورنا بیٹسمین انگلینڈ نا برخلاف ٹیسٹ سیریز اٹ تینا ٹیلنٹ نا جوان درشانی ءِ کننگ کتو، او 3 ڈائی ٹی  99 رنز جوڑ کرینے۔