مچھ اٹی پی سی ون آن چَپ ہیبدار میٹریل کاریم اٹ اتنگانے،مقصود بلوچ
Get real time updates directly on you device, subscribe now.
بولان (حفیظ اللہ بنگلزئی) پی ٹی آئی کچی بولان نا انفارمیشن سیکرٹری مقصود بلوچ تحصیل نائب صدر آدم خان رند اتون اوار پریس کانفرنس آن تران کرسا دوبہ خلکنے کہ میونسپل کمیٹی مچھ انا ایڈمنسٹریٹر چیف آفیسر انجینئر ٹھکیدار آتا اواری اٹ جعلی اسکیمات جوڑ کرینے‘ پی سی ون آن چَپ ہیبدار میٹریل کاریم اٹ اتنگانے ہرافتے ٹی سلائٹر ہاوس فائر بریگیڈ کن پارکنگ اسٹریٹ لائٹ‘ اسکول آتے ٹی واش روم‘ متکن ءُ فائر بریگیڈ و بیکار ءُ سوزوکی ہلنگانے‘ مسکوہی چیئرمین آن ہلیس ساڑی ایڈمنسٹریٹر اسکان پرسجو ءِ پک کننگ کن نن عدالت اٹ ہم کیس دائر کینہ‘ جنرل سیلز ٹیکس انا رد اٹ ہر مسہ تو آن پد 2 کروڑ 80 لکھ روپئی بننگ اٹی ءِ ولے بھاز انگا پیسہ غاتے بشخ وپانٹ کننگ انگ ءِ‘ چیف آفیسر ایڈمنسٹریٹر کنڈ ہلیک و تینا ڈیوٹی آن غیرحاضر مریک‘ ملازم آتا کچ انا ودکی آن پد ہم شار اٹ سَفائی‘ پریس کلب نا ماڑی کن 8لکھ روپئی ءِ کرپشن نا گواچی کننگانے ہراتم مسکوہی چیئرمین و چیف آفیسر میڈیا ءِ بشختنو تو الس ءِ امر بشخور۔او پاریر کہ نن حکومت آن خواست کینہ کہ مسکوہی چیئرمین و غٹ چیف افسر و ساڑی ایڈمنسٹریٹر نا برخلاف جاست پاست کننگے نہ تو پی ٹی آئی برانز کننگ آ بیوس مریک۔