بلوچستان نا سویلی علاقہ غاتیٹی مد باسن مریک‘ محکمہ موسمیات

کوئٹہ : محکمہ موسمیات نا رداٹ بلوچستان نا سویلی میدانی و کرکی علاقہ غاتیٹی مد خشک و باسن مننگ نا گمان ارے۔ ولدا ہم صوبائی دارالحکومت کوئٹہ، ژوب، زیارت، چمن، پشین، قلات،خضدار، بارکھان، نصیر آباد، پنجگور و آواران اٹ ترند انگا تہو و پر انا گمان ارے۔ کوئٹہ ٹی زیات آن زیات درجہ حرارت28 ڈگری سینٹی گریڈ زیارت 22 قلات 26 پشین 28 سبی 42 بارکھان31، ژوب 29جیونی و گوادر 34، اوڑمارہ و پسنی 33 نوکنڈی37 دالنبدین 36 خضدار 30 لسبیلہ 38 تربت 39 پنجگور 35 کوئٹہ ٹی تہو اٹ نمی نا کچ 14 درسد، گوادر اٹ 58 درسد، قلات اٹ 20 درسد، تربت اٹ 21درسد، جیوانی ٹی 43 درسد، سبی ٹی 35 درسد وخت اس کہ نوکنڈی ٹی 16 درسد ریکارڈ کننگا۔ بلوچستان نا گیشتری ضلع غاتیٹی مد انا خشک و باسن مننگ نا گمان کننگانے ولدا ہم کوئٹہ تون اوار بلوچستان نا بڑزکو علاقہ غاتیٹی ترند تہو اتون پر انا گمان ارے۔

(آن لائن)