وزیر اعلیٰ بلوچستان الس نا حقی خذمت آ باور کیک، فرح عظیم شاہ

کوئٹہ: ترجمان حکومت بلوچستان گودی فرح عظیم شاہ پارینے کہ وزیراعلیٰ بلوچستان میر عبدالقدوس بزنجو اُلسی مفاد آتا بابت اٹ گام ہرفنگ اٹ کل آن مون آ مریک۔ اُلس دوستی نا پلو اونا شخصیت اٹ جوان خننگک۔ وزیر اعلیٰ بلوچستان اُلس نا حقیقی خدمت آ پام تخک۔ وی آئی پی موومنٹ اٹ بلٹ پروف گاڈی کاریم اٹ اتنگ نا پارت آتیان پاش مریک کہ او اُلس ءِ دوئی آ ویل آتے ہر ممکن کم کننگ خواہک او پارت تسنے کہ آخبت اٹ وزیر اعلیٰ بلوچستان تون اوار ہچ ءُ وی آئی پی اسے کن روٹ لگپک زندگی و موت اللہ رب العزت نا دوٹی ءِ۔ نن روٹ خلسا اُلس ءِ بھاز فریشان کینہ۔ ہراتم زندگی ءِ ایسر مروئی مس تو بلٹ پروف گاڑی انت اس کیک۔ ترجمان صوبائی حکومت پارینے کہ وزیراعلیٰ نا دا گام گیج آتے اُلسی تپہ غاتا کنڈآن ستائی کننگ انگ ءِ۔ و انتئے ستا کننگے ہرا لیڈر تینا اُلس تون پیار کیک و اُلس نا ویل آتے ایسر کننگ نا خواہندار مرے تو اُلس ہم اوڑتون پیار کیک۔ وزیر اعلیٰ کابینہ باسک اعلیٰ سول و پولیس افسر تے ہم بلٹ پروف گاڈی نا کاریم اٹ اتنگ نا موکل اف۔

(آن لائن)