لاہور‘ تفتان سیم آ کرنٹائن کروک ءُ بندغ اس تپاخت کرے
Get real time updates directly on you device, subscribe now.
لاہور (مانیڑنگ ڈیسک) تفتان اٹ 14 دے کرنٹائن اٹ گدریفوک ءُ بندغ اس تپاخت کرے۔ لاہور نا میو ہسپتال اٹی دا ناجوڑ درمان مسکہ ہرانا درستی راستی ت غلام عمران نا پن اٹ مس۔ حوال نا رداٹ دا زہمی آ بندغ حافظ آباد نا باتی اس ئس او تفتان سیم آن ایران آ بسوسُس ہرا 14 دے کرنٹائن اٹ گدریفسس۔ غلام عمران ءِ تدوک آ نن خراب حالیت اٹ میو ہسپتال آ سرکریر۔ او آئی سی ٹی تخنگا ولے اوڑے وینٹی لیٹر نا آسراتی الو۔ ہندن پاننگ ءِکہ ڈاکٹر تے ہندا خلیس ئس کہ دا پاکستان اٹ کرونا وائرس آن اولیکو کہنگ مننگ کیک۔ یات سلے پاکستان اٹ کرونا وائرس نا کیس آتا کل کچ 189 مس ہرافتے آن گیشتری کیس آک تفتان سیم آن سندھ آ بروک آ بندغ آتے ٹی مسنے۔
وخت اسکہ کیس آتا مہشون نما مون آٹے۔
| کیس آک | صوبہ /علاقہ |
| 3 | گلگت بلتستان |
| 189 | کل کچ |
| 2 | پنجاب |
| 155 | سندھ |
| 15 | خیبرپختونخوا |
| 10 | بلوچستان |
| 0 | آزاد کشمیر |
| 4 | اسلام آباد |