پشاور، دیرکالونی ٹی پرائیویٹ اسکول نا چھت انا تمنگ آن 29 چنا زوال
Get real time updates directly on you device, subscribe now.
پشاور، پشاور نا علاقہ دیر کالونی ٹی پرائیویٹ اسکول نا چھت اسے نا تمنگ آن زوال مروک آتا کچ ودسا 29 مس۔ ترجمان ریسکیو 1122 نا رداٹ چھت انا تمنگ آن 2 زالبول استاد اتٓتون اوار 29 بندغ زوال و 47 بندغ ٹھپی مسنو، زوال مروک 27 چناتیٹی 6 مسڑ ہم اوار ءُ۔ شکست نا حوال رسینگ تون کمکی ٹیمک ایمبولینس و ڈیزاسٹر وہیکلز آتتون اوار واقعہ نا جاگہ غا سرمسر و ڈیمبری ءِ اسہ کنڈکننگ نا کاریم نا بناءِ کرینو۔ کمامدارآتا رداٹ شکست اٹی زوال و ٹھپی مروک آتیٹی چناو استاد آک اوار ءُ وخت اس کہ گڑاس ٹھپی تا حالیت خراب ءِ۔ لیڈی ریڈنگ ہسپتال نا ترجمان محمد عاصم نا رداٹ واقعہ غان پد ہسپتال اٹی ایمرجنسی نافذ کننگانے، ہراڑے ٹھپی تے دمدستی طبی کمک تننگ انگ ءِ۔ ہسپتال انتظامیہ نا رداٹ شکست اٹی زہمی چناتا وئی 13 سال اسکان ءِ۔ ایلو کنڈآ سی سی پی اوپشاور میاں سعید پارینے کہ واقعہ ٹی ٹھپی مروک آتا کچ 40 آن گدرینگانے۔