انضمام الحق عابد علی ءِ اُرے آ وارخواہی تس‘ مدثر نذر

0

Get real time updates directly on you device, subscribe now.

لاہور (مانیٹرنگ ڈیسک) مسکوہی ٹیسٹ کرکٹر مدثر نذر پارینے کہ ای عابد علی نا ٹیلنٹ نا ءِ 2 سال مست نشانی کریسُٹ، او وخت نا چیف سلیکٹر انضمام الحق اودے ٹیم اٹ اوار کتو۔ بطور ڈائریکٹر اکیڈمی نا وڑاٹ کاریم کرسا ای انگلینڈ و نیوزی لینڈ نا نیام اٹ اے سیریز اٹ عابد علی ءِ مارک ووڈ تون اوار تیز باؤلنگ کروک آ باؤلر آتے آسانی ٹی گوازی کننگ آ خناٹ، اوپنر پدریسہ سنچری ہم جوڑ کرے۔ ای انضمام الحق تون عابد نا پن آ سجفنگ نا ہیت ءِ کریٹ، شاید پلیئر آک زیات ئسر یا پین سوب اس ئس کہ عابد ءِ وارخواہی رسینگتو۔ بننگ اٹی بسنے کہ پُوسکن آ ہائی پرفارمنس ٹیم اٹ داسہ ڈائریکٹر نا رائے ءِ سلیکشن اٹ اہمیت تننگک، عام وڑاٹ تو اکیڈمی ءِ سپورٹ کننگتوکہ۔ 64 سال نا مدثر نذر مستی پارینے کہ نیشنل کرکٹ اکیڈمی ءِ ہائی پرفارمنس سینٹر نا پن ءِ تننگ آن ہچ ءُ فرق اس تمپک۔ پروگرام ہمودے ہرادے نن بنا کریسُن، نیمہ تے کرین تو فائدہ نا جاگہ غا نسخان مریک، کوچ و ڈیولپمنٹ آ پیسہ بایدے خرچ کننگے، کلب و گراونڈ آتیان بیدس کرکٹ ءِ مونی دننگ کپنہ۔

Get real time updates directly on you device, subscribe now.

Leave A Reply

Your email address will not be published.