قلات ‘بھلا لاک ڈاﺅن نا برخلاف پوریاگر آک پریس کلب نا مون آبرانز

نن کس آن پنڈہ خواپنہ ولے ننا سفیدپوشی ناخیال ءِ تخسا نن تون کمک کننگے ،نن تینا چنا تے امر ولفن، انجمن تاجران نا سرکڑدہ غاتا تران

0

Get real time updates directly on you device, subscribe now.

قلات : قلات اٹ بھلا لاک ڈاﺅن نا برخلاف پوریاگر آک پریس کلب نا مون آبرانز کریر‘ حوال نارد اٹ انجمن تاجران نا صدر میر منیراحمد شاہوانی نا کماشی ٹی تدوک آدے پریس کلب نا مون آ لاک ڈاﺅن آن زہمی دکاندار آک حکومت وانتظامیہ نابرخلاف برانز کریر۔ دا وخت آ پریس کانفرنس آن تران کرسا انجمن تاجران نا صدر میر منیراحمد شاہوانی‘ بلوچستان نیشنل پارٹی ناضلعی صدر میر قادر بخش مینگل ‘ جمعیت نظریاتی نا میر مبارک خان، حاجی محمد جان دہوار‘ سنی تحریک نا حافظ حبیب سلطانی، جمیعت علماءاسلام نا عبداللہ لانگو‘ تحریک انصاف نا محمد ابراہیم سمالانی تون اوار سمرسیبل، ٹیلر ماسٹر، مکینک ومزور راہشونک پاریر کہ نن مننہ کہ کورونا نا دَین مچ آ دنیا ٹی بھسکاری کرینے و بھاز ترندی اٹ تالان مننگ اٹی ءِ دا ناجوڑی ناسوب آن قلات نا پوریاگر آک حکومت ناکنڈآن برجالاک ڈاﺅن اٹ کمک کرے است ہسونی دادے کہ حکومت و انتظامیہ ناکنڈآن پوریاگر برادری تون ہچ کمک کننگتو‘ راشن تے ہم است پسند بندغ آتے تننگ انگ ءِ۔ کمیٹی نازمواری تا ہچ سما اف ننا چناک باہ انا باخو نا آہری مسنو‘ دکان تا کرا تے تننگ کپننگ ان‘ نن کس آن پنڈہ خواپنہ ولے ننا سفیدپوشی ناخیال ءِ تخسا نن تون کمک کننگے تاکہ نن تینا پوریا و مزوری کرسا نن تینا چناتے اِرابیل انا ارغ تننگ کین۔ او پاریر کہ اگہ انتظامیہ دکاندار تیکن شیڈول اس جوڑ کے‘ ہمو شیڈول نارد اٹ ہڑدے نا بنداو آ منہ دکاندارءِ کورونا نا رکھی گام گیج آتون اواردکانداری ناموکل تننگے و دا بابت زوت ڈپٹی کمشنر قلات شیہک بلوچ تون اوڑدہی کننگک۔

(تلار حوالکار)

Get real time updates directly on you device, subscribe now.

Leave A Reply

Your email address will not be published.