نواز شریف ءِ پدی اتنگ نا کیس اٹی فریق مننگ نا فواد چوہدری نا درخواست مسترد
Get real time updates directly on you device, subscribe now.
لاہور : لاہور ہائی کورٹ مسلم لیگ ن نا قائد محمد نواز شریف ءِ وطن آ پدی اتنگ کن و عدالت عالیہ نا کنڈآن درمان کن پیشن نا ملک آ ہِننگ نا موکل تننگ نا کیس اٹی فریق مننگ کن تحریک انصاف نا راہشون چوہدری فواد حسین نا درخواست ءِ مسترد کرے۔ لاہور ہائی کورٹ نا جسٹس علی باقر نجفی نا کماشی ٹی اِرا باسکی بنچ چوہدری فواد حسین نا درخواست آ سماعت کرے۔ اِرا باسکی بنچ باور کرفے کہ دا باندات اٹی نیب و بنجائی حکومت فریق ئسر،دابارواٹی نیب درخواست دائر کننگ کیک۔ سماعت اٹی چوہدری فواد حسین نا وکیل عدالت ءِ پارے کہ محمد نواز شریف وطن آ پدی بفننگ ءِ۔ عدالت باور کرفے کہ ہراتم نیتون اختیار ئس ہموتم نی دا باندات ءِ انت اکن ہرفتویس ہرادے نی داسہ ہرفنگ اُنس۔ عدالت درخواست ءِ مسترد کرے۔
(اے پی پی)