مگہ رونالڈو تینا ہوٹل ءِ کرونا نا ناجوڑ آتے کن ایتک؟

کراچی (مانیٹرنگ ڈیسک) تدوک آ دے میڈیا رپورٹ آتے ٹی ہندا دعویٰ کننگاسس کہ پ ±رتگال نا پنی آ فٹ بالر کرسٹیانو رونالڈو تینا ہوٹل ءِ کووڈ-19 نا ناجوڑ آتا درمان کن ہسپتال اسے ٹی بدل کننگ اٹی ءِ۔ دا خبر نا مون آ بننگ تون سوشل میڈیا تون اوار ایلو پلیٹ فارم آتیا بیدس جاست پاست آن ترندی اٹ تالان مس او اُلس نا کنڈآن فٹ بالر رونالڈو نا دا گام گیج نا بھاز ستا ءِ کننگا۔ ولے داسہ رونالڈو نا لزبن اٹ ہوٹل نا ترجمان نا کنڈآن بیان اس بسنے کہ ”رونالڈو تینا ہوٹل ءِ کرونا وائرس نا ناجوڑ آتے کن ہسپتال اٹ بدل کننگ نا ہچ ءُ ڈٹ اسے آن واقف اف۔“ ہوٹل ترجمان نا بیان نا رداٹ ’ننا ہوٹل ءِ، نن دا ہسپتال اٹ بدل کپنہ او دا ہر وخت ہوٹل اس سلک۔ یات سلے کہ پرتگال اٹ 200 آن زیات بندغ آتے ٹی کرونا وائرس پک مسنے وخت اس کہ فٹ بالر رونالڈو ءِ ہم میڈیرا ٹی دا وخت آ قرنطینہ ٹی تخانو۔ انتئے کہ اونا ٹیم انا اسہ باسک اسے ٹی کرونا وائرس پک مسنے۔ اٹلی ٹی کورونا وائرس آن پین 368 بندغ تپاخت کریر۔