کرونا وائرس آن مچ آ دنیا ٹی زوال آتا کچ 5 ہزار 8 سد آن گدرینگا

0

Get real time updates directly on you device, subscribe now.

اسلام آباد/جنیوا (آن لا ئن ) مچ آ دنیا ٹی کرونا وائرس نا جلہو آک برجا ئُ۔ کرونا وائرس آن تپاخت کروک آ بندغ آتا کچ 5 ہزار 839 مس۔ در ملکی خبر رساں ایجنسی نا رداٹ مچ آ دنیا ٹی کرونا وائرس آن زہمی آ بندغ آتا کچ اسہ لکھ 56 ہزار 738 مسر او 75 ہزار 935 بندغ جانجوڑی مسنو۔ چین اٹ پین 10 بندغ کرونا وائرس آن تپاخت کریر۔ اوکان پد چین اٹ کرونا وائرس آن کہوک آتا کچ 3 ہزار 199 مس وخت اس کہ 66 ہزار 911 بندغ جانجوڑی مسنو۔ امریکہ ٹی پین 3 بندغ کرونا وائرس آن تپاخت کریر اوکان پد امریکہ ٹی کہوک آتا کچ 60 مس وخت اس کہ پین 34 بندغ اٹ کرونا وائرس پک مسنے۔ سویلی کوریا ٹی پین 3 بندغ تپاخت کریر اوکان پد سویلی کوریا ٹی کہوک آتا کچ 75 مس۔ اٹلی ٹی دا وخت اسکان 1 ہزار 441 بندغ کرونا وائرس آن تپاخت کرینو او ایران اٹ کہوک آتا کچ 611 مسنو۔ کرونا وائرس 152 ملک آتے تینا گواچی کرینے۔ کینیڈین وزیر اعظم نا اُرائی آن پد اسپین نا وزیر اعظم پیدرو سانچز نا اُرائی بیگونیا گومیز نا ہم کرونا وائرس نا ٹیسٹ مثبت بس۔ اسپین اٹ مسٹمیکو درجہ نا ایمرجنسی نافذ کننگانے ہرا 15 دے اکن مریک۔ شام اٹ کرونا وائرس نا سوب آن پارلیمانی گچین کاریک ملتوی کننگار ہرافک بروک آ تو آن مسرہ۔ لیبیا ٹی سرکاری وڑ اٹ ایمرجنسی نافذ کننگانے او لیبیا نا فضائی و بحری اڈہ ہم زوت اس پورو وڑاٹ بند کننگک۔ داکان بیدس جہانی ادارہ جانجوڑی نا کماش پارینے کہ کرونا وائرس نا دَین انا بنجاہ داسہ چین آن یورپ آ ہنانے۔ ڈبلیو ایچ او نا ڈائریکٹر جنرل تیدروس ادہانوم گیبریسًس جنیوا ٹی اسہ نیوز کانفرنس اسے ٹی پارینے کہ یورپ داسہ مچ آ جہان نا دَین انا تالانی نا بنجاہ مسنے۔ جہانی ادارہ نا اعلیٰ انگا ہنگامی ماہر مائیک ریان ترندی اٹ پارینے کہ ہر جاگہ نا سفری آ رکھ آک خراب ئُ۔ او پارینے کہ زوت اس سفری پابندی خلوک آ ملک آک ہم دانا گواچی تو مسنو۔ او مستی پارینے کہ کیس انا پک مننگ، زہمی بندغ آتا ایلو مخلوق آن مُری او اوفتا معائنہ غاتے ٹی زیاتی بھاز زیات اہم ئِ۔ چیف ٹیکنیکل افسر ماریا وان کیرخوو پارینے کہ جہانی ادارہ جانجوڑی دا ہیت انا پیشگوئی ئِ کننگ کپک کہ مچ آ دنیا ٹی تالان انگا دَین ہراتم بھاز بڑز ئُ کہول اسکان سر مریک۔ او مستی پارینے ’ننے ہر وڑ نا حالیت آتے کن تیار سلنگ نا گرج ئِ۔ مچ آ دنیا نا دَین نا گراف و ہر ملک اٹ دَین نا گراف نا ودنگ نا خلیس ہر ملک انا گام گیج تون تفوک ئِ۔ او چین نا جوان انگا گام گیج آتا حوالہ ئِ ترسا پارینے کہ دا وڑ ملک ئِ دَین تون مون تروک ئُ ملک اس جوڑ کرے۔

Get real time updates directly on you device, subscribe now.

Leave A Reply

Your email address will not be published.