کرونا غا سارک نا دیوان، بھارت نا سلہ، پاکستان نا مثبت ورندی
اسلام آباد(آن لائن)وزیرخارجہ شاہ محمود قریشی بھارتی نا سلہ نا مثبت ورندی ترسا پارینے کہ پاکستان سارک دیوان اٹ بشخ ہلنگ کن تیار ئِ، کررونا وائرس تون مون تننگ کن سارک ملک آتا اواری ٹی حکمت عملی اس جوڑ کننگے، پاکستان منہ وخت آن ئِ چڑہ سارک دیوان اس بٹنگ انگ نا پاریکہ ولے بھارت دا بابت ہچ ہیت کتوکہ۔ کرونا وائرس آن کل آن زیات چین زہمی مس او چین دا دَین اتون مون تننگ کن جوان گام گیج کرے، سارک ملک آتے چین آن راہشون ہلنگ نا گرج ئِ۔ میڈیا تون ہیت وگپ کرسا وزیرخارجہ شاہ محمود قریشی پارینے کہ بھارت نا وزیراعظم نریندر مودی ئِ سارک ملک آتا اہمیت نا سما تما پاکستان منہ وخت آن چڑہ ہندا پاریکہ کہ سارک اسہ اہم ئُ پلیٹ فارم اسے او دا پلیٹ فارم ئِ اواری نا مفاد آتے کن کاریم اٹ اتنگے ولے بھارت دا بابت تینے غول کریسس ہچ اُست خواہی ہلتوکہ او اسلام آباد اٹ سارک سمٹ دیوان نا کسر اٹ اڑاند ئس ولے اینو بھارت ہرا سلہ ئِ خلکنے کہ کررونا وائرس تون مون تننگ کن سارک ملک آتے اواری ٹی حکمت عملی اس جوڑ کروئی تمک او پاکستان ہم دا دیوان اٹ بشخ ہلے تو انسانیت و انسانی حق آتے مون آ تخسا سارک دیوان اٹ المی بشخ ہلینہ۔ او پارینے کہ بھارت نا دا بابت اٹ مہالو نا رویہ ہم کل انا مون آٹے۔ ولے پاکستان او کل ئِ اسہ کنڈ کرسا بشخ ہلیک۔ وزیرخارجہ پارینے کہ نن اسہ ذموار ئُ قوم اسے اُن او نن تینا زمواری تے پورو کینہ۔ وزیراعظم نا خصوصی کمکار برائے جانجوڑی ڈاکٹر ظفر مرزا ویڈیو دیوان اٹ بشخ ہلک او وزیراعظم پاکستان نا سلہ ئِ دیوان اٹ مون آ ایسنے۔ وزیرخارجہ پارینے کہ نن دیوان اٹ دا وخت اسکان نا سلہ تے مون آ تخانن کہ پاکستان سارک ملک آتا اخس کہ جانجوڑی نا وزیر اریر اوفتے مہمانداری کن تیار ئِ او زوت اس دا دیوان ئِ بٹنگ انگے تانکہ سارک ملک آک اسہ ایلو نا مثبت و نف تروک آ سلہ تے آن فائدہ ہرفر۔ او پارینے کہ پاکستان دا ہم پارینے کہ ننے کررونا وائرس تون مون تننگ کن تپہ نا اہم انگا ملک چین آن راہشونی ہلنگے انتئے کہ چین کل آن زیات دا دَین آن زہمی مس او دا وائرس آ کنٹرول کننگ کن کل آن زیات جوان گام گیج ہم کرینے۔ او پارینے کہ صدر پاکستان ڈاکٹر عارف علوی ای و ڈاکٹر ظفر مرزا اینو چین آ ہننگ اٹی اُن تانکہ اوڑان جوان ئُ سلہ ہلین۔ او چین اتون دَین نا بابت نسخان تے آ اُست خواہی نا درشانی ہم کینہ۔ وخت اس کہ اسہ حکمت عملی سے آ سجفنگ نا بابت سلاہ ہم کینہ۔ ننا تینا تپہ ئِ اخس کہ رکھنگ کینہ رکھنہ۔ او پارینے کہ ننا بھلو بھلو غیر آباد ئُ علاقہ ئُ او بھلو بھلو شار ئُ ہندا سوب آن ننے کررونا وائرس آن بچنگ کن بھاز پام نا گرج ئِ۔