پٹرول اسہ تُو اٹ ارٹمیکو وار کبین
Get real time updates directly on you device, subscribe now.
اسلام آباد: وزیراعظم عمران خان پیٹرولیم مصنوعات آتا نہاد آتیٹی ودکی نا منظوری تسنے۔ ہرانا رداٹ نہاد اٹ 3 روپئی 20 پیسہ، ہائی اسپیڈ ڈیزل نا نہاد اٹ 2 روپئی 95 پیسہ و گازلیٹ نا نہاد اٹ 3 روپئی وخت اس کہ لائٹ ڈیزل نا فی لیٹر نہاد اٹ 4 روپئی42 پیسہ فی لیٹر ودکی نا منظوری تس۔ آئل اینڈ گیس ریگولیٹری اتھارٹی (اوگرا) پیٹرولیم مصنوعات نا نہاد آتیٹی رد و بدل نا سمری ءِ وزیراعظم ءِ ارسال کننگاسُس ہراٹی پیٹرول 13روپئی، ڈیزل 11روپئی، لائٹ ڈیزل 15روپئی 33پیسہ و مٹی نا تیل انا نہاد اٹ 10روپئی 50 پیسہ فی لیٹر ودکی نا سفارش کریسُر۔ ولدا وزیر اعظم عمران خان اوگرا نا کنڈآن راہی کروک آ دا سمری ءِ رد کرسا پٹرول نا نہاد اٹ 3 روپئی، لائٹ ڈیزل 4روپئی 42پیسہ وخت اس کہ گازلیٹ نا نہاد اٹ 3روپئی فی لیٹر ودکی نا منظوری تننگانے۔
(آن لائن)