زرگزرانی تنکی نا مون ءِ توننگ کن گام گیج المی ءِ، حافظ نعیم الرحمان

لاہور، امیر جماعت اسلامی پاکستان حافظ نعیم الرحمن ساڑی حکومت نا زرگزرانی پالیسی تیا سخت تنقید کرسا جماعت اسلامی نا کارندہ و شاری تتون اوار اسلام آباد آ ہننگ نا باقاعدہ پڑو کرینے۔ لاہور اٹی پریس کانفرنس آن تران کرسا حافظ نعیم الرحمن پارے کہ اومیت ءِ حکومت ننا اسلام آباد مارچ انا کسر اٹی ہچ ءُ اڑاند اس شاغپک و جمہوریت نا درشانی ءِ کیک او حکومت آ تنقید کرسا پارے کہ حاکم آتتون دا ہیت انا ہچ ءُ ورندی اس اف کہ ملک اٹی سود انا کچ ءِ دمدستی وڑ اٹ کم انتئے کپننگ انگ ءِ‘ او پارے کہ الس نا برانز نا سوب آن حکومت بیوس مرسا منہ ریلیف پیکیج تا پڑو کرینے، ولے زرگزرانی تنکی تون مون تننگ و الس ءِ حقی آسودہی تننگ کن پین جم و عملی گام گیج المی ءِ۔