حب اٹی ضلعی انتظامیہ نا سرکڑدہ ئی ٹی 79 می یومِ آزادی نا دود
Get real time updates directly on you device, subscribe now.
حب، ضلعی انتظامیہ حب انا سرکڑدہ ئی ٹی لیڈا آفس نا دنگ اٹی 79 می یومِ آزادی نا مناسبت اٹ بیرک چست کننگ نا دود اسے نا بست و بند کننگا۔ ضلعی انتظامیہ نا کنڈآن اڈ تروک 79 می یومِ آزادی نا دود اٹ سینیٹر حسنہ بانو زہری، سینیٹر دنیش کمار پلیانی، ڈپٹی کمشنر حب جمعداد مندوخیل نا کنڈآن بیرک چست کننگ نا دود لیڈا آفس نا چمنی ٹی اڈ ہلک۔ پولیس نا سنبرینگوک دستہ بیرک چست کننگ نا وخت آ گارڈ آف آنر پیش کرے۔ بیرک چست کننگ نا دود اٹ ایم ڈی لیڈا لیاقت کاشانی، چیئرمین ضلع کونسل جاوید جمالی، سول سوسائٹی نا راہشون حضرت مولانا یعقوب ساسولی، وائس چیئرمین میونسپل کارپوریشن حب جام گروپ نا راہشون عظیم سیاں، بلوچستان فشرمین کوآپریٹو سوسائٹی نا چیئرمین میر علی اکبر زیری، بلدیاتی نمائندہ و علاقہ نا متبر آک ساڑی ئسر۔ بشخ ہلوک آک ملک انا سلامتی، شونداری، شونہالی و سوگوی کن خصوصی دعاہم کریر۔