گوادر اٹی ماہی گیر و شاری تا کنڈ آن سمندر اٹی بوٹس ریلی

گوادر، 79 می یومِ آزادی نا وخت آ گوادر نا ماہی گیر و شاری تا کنڈ آن وطنِ عزیز تون مہر، قومی یکجہتی و حب الوطنی نا جوزہ نا درشانی کن سمندر اٹی بوٹس ریلی نا بست و بند کننگا۔ ریلی ٹی کساس 100 کشتی بشخ ہلکر، ہرافتے قومی بیرک آتے ٹی زیبدار کننگاسس، ہراڑان سمندر اٹی جشنِ آزادی نا زیبا ءُ ندارہ اس خننگاکہ۔ بوٹس ریلی نا بنا گوادر جیٹی آن مس و کشتی تا قافلہ سمندر اٹی کساس 2 ناٹیکل میل اسکان ہنا۔ ماہی گیر و شاریک قومی بیرک چست کرسا پاکستان تون تینا مہر و تعلقداری نا درشانی ءِ کریر، وخت اس کہ ریلی نا بشخ ہلوک آک قومی جوزہ و سیوت نا پیدواری ءِ کریر۔ ریلی نا کمک اٹ گوادر نا ماہی گیر برادری دا عزم انا درشانی ءِ کرے کہ او ملک انا شونداری، شونہالی و سوگوی ٹی تینا کڑد ءِ ادا کرسا کیک۔