صدر مملکت نا کیہی سمری تا منظوری، 1172 فوجی و پیدوار کڑد سر تروک شاری تے شرف تننگ نا فیصلہ

اسلام آباد، صدر مملکت آصف علی زرداری وزیراعظم نا کنڈ آن راہی کروک کیہی سمری تا منظوری ءِ تس، ہرافتٹی سلہہ بند فوج و سول آرمڈ فورس ا نا 1172 کارندہ غاتے فوجی اعزاز تننگ، پارلیمنٹ نا ہڑتوم آ ایوان تا دیوان بٹنگ انگ و حقدار بندی تا سزا تیٹی خصوصی بخشش تون اوار چندی اہم انگا باندات آک اوار ءُ۔ صدر مملکت سلہہ بند فوج و سول آرمڈ فورس انا 1172 کارندہ غاتے فوجی اعزاز تننگ نا منظوری تسنے۔ جتا جتا سول بشخ آتیان تعلقدار شاری تے قومی اعزاز تننگ نا سمری ہم منظور کننگا۔ صدر آصف علی زرداری قومی اسمبلی و سینیٹ نا دیوان تے بٹنگ انگ نا منظوری ءِ ہم تس۔ قومی اسمبلی نا دیوان 17 اگست آ بیگہ نا 5 بجہ غا وخت اس کہ سینیٹ نا دیوان ہندا دے بیگہ نا 4 بجہ غا مریک۔ صدر مملکت یومِ آزادی و عئید میلاد النبی ﷺ نا وخت آ حقدار بندی تیکن خصوصی رعایت نا ہم منظوری تسنے، ہرا نا رداٹ حقدار بندی تا سزا تیٹی 100 دے انا بخشش تننگک۔ صدر مملکت نا کنڈ آن منظور کروک سمری تیٹی قومی خذمت سر تروک سلہہ بند فوج‘ سول آرمڈ فورس و جتا جتا سول بشخ آتیان تعلقداربندغ آتا خذمت آتا امنائی ہم اوار ءِ۔