پاکستان ریلوے نا 17 اگست آن 6 پین ٹرین چلیفنگ نا پڑو

لاہور( آن لائن )پاکستان ریلوے 17 اگست آن پین 6 ٹرین چلیفنگ نا پڑو کرے، ہندا6 ٹرین تے ٹی رحمان بابا، فرید ایکسپریس، لاثانی ایکسپریس، بدر ایکسپریس، موئنجو ڈرو و ہزارہ ایکسپریس اوار ءُ،دا ٹرینک کراچی، لاڑکانہ، ملتان و فیصل آباد کن چلیفنگک۔ حوال نا رداٹ ملک اٹ کورونا حالیت نا جوانی تون کاروبار ءِ ولدا ملانو، ٹرانسپورٹ، ریل و فضائی سفر ءِ ہم بحال کننگانے۔ ہندا کل سیکٹر تے ایس او پی تا رداٹ ملنگ انگ ءِ۔ پاکستان ریلوے مسافر تا آسراتی تا 17 اگست آن پین 6 ٹرین چلیفنگ نا پڑو کرینے۔ ہندا شش ٹرین تے ٹی رحمان بابا، فرید ایکسپریس، لاثانی ایکسپریس، بدر ایکسپریس، موئنجو ڈرو و ہزارہ ایکسپریس اوار ءِ۔ ہندا ٹرین تا آن لائن و کمپیوٹرائزڈ ریزرویشن ءِ ہم بنا کننگانے۔ ہندن پاننگانے کہ محکمہ ریلوے کراچی بدر ایکسپریس نا روٹ براستہ فیصل آباد آن ملتان اسکان ودفنگانے۔ وخت اس کہ موئنجو ڈرو ایکسپریس نا روٹ کراچی آن براستہ لاڑکانہ آن ملتان اسکان تالان کرینے۔