برٹش ایئرویز پاکستان نا فضائی آپریشن ءِ بحال کرے

اسلام آباد( آن لائن ) برٹش ایئرویز پاکستان نا فضائی آپریشن ءِ بحال کرینے۔ حوال نا رداٹ برٹش ایئرویز پاکستان نا فضائی آپریشن ءِ بحال کرینے۔ برٹش ایئرویز نا کنڈآن پاکستان کن پرواز آتا ولدا بنا ءِ کننگانے۔ برٹش ایئر ویز برطانیہ آن پاکستان کن تینا پرواز آتے ولدا بنا کننگ اٹی ءِ ہرا ہڑتوم آ ملک آتا نیام اٹ تعلقداری نا پدریسہ اہمیت نا اشارہ سے۔ برٹش ایئر ویز نا پرواز بی اے 261 لندن آن اسلام آباد ءِ سر مسنے۔ برٹش ایئر ویز نا پرواز اٹ سد آن زیات مسافر اسلام آباد ءِ سر مسنو۔ اسلام آباد ائیرپورٹ آ برٹش ایئرویز نا بننگ آ خاص ءُ انتظام کننگا۔ برطانوی سفارتخانہ نا کمامدار آک ایئرپورٹ آ انتظام آتے جوان گوندار۔ دانا بابت جاری کروک آ پڑو اٹ پاننگانے کہ ایئر لائن ہیتھرو ایئر پورٹ و اسلام آباد نا نیام اٹ ہفتہ ٹی مسہ ڈائریکٹ ءُ پرواز بنا کننگ اٹی ءُ، دا بابت اٹ اولیکو پرواز 14 اگست آ اسلام آباد ءِ سر مریک۔