بھرتی تا عمل ءِ شفاف وڑ اٹ سر تننگک، ڈی سی نصیر آباد

ڈپٹی کمشنر نصیر آباد وریندر لعل نا کماشی ٹی ڈسٹرکٹ ریکروٹمنٹ کمیٹی نا اہم ءُ دیوان اس اڈ ہلک۔ دیوان اٹی ڈسٹرکٹ ایجوکیشن آفیسرز میل و فیمیل نصیر آباد، خزانہ آفیسر نصیر آباد، منظور شیرازی تون اوار ایلو تعلقدار افسر آک بشخ ہلکر۔ دیوان ءِ سی آر سی نا دیوان اٹی جاری کروک پارت آتا رِد اٹ اڈ تننگا ہرانا بنداوی مسخت بھرتی تا عمل ءِ پورو شفاف، انصاف اٹ و میرٹ نا بنداو آ پک کننگ ئس۔ دا وخت آ منٹس آف میٹنگ اٹی نوشتہ کل ٹِک آتا جم جاچ ءِ ہلنگا و اوفتیا بھرمی و وخت آ عملدرآمد کن سج پام پک کننگا۔ ڈپٹی کمشنر وریندر لعل دیوان آن تران کرسا پیدوار پارت کرے کہ بھرتی نا ہر ریسہ، اشتہار، درخواست آتا ہلنگ‘ اسکرونٹی، شارٹ لسٹنگ، انٹرویو و فائنل سلیکشن اٹی پورو شفافیت، کنڈہلپروک و قاعدہ وضابطہ غاتیا عملدرآمد ءِ سختی اٹ پک کننگے۔