نیب، شریف برادر، سرتاج عزیز و ایلوفتا برخلاف جاست پاست نا منظوری

اسلام آباد( آن لائن) قومی احتساب بیورو نا ایگزیکٹو بورڈ نا دیوان قومی احتساب بیورو نا چیئرمین جسٹس جاوید اقبال نا کماشی ٹی نیب ہیڈ کوارٹرز اسلام آباد اٹ اڈ ہلک۔ دیوان اٹ ڈپٹی چیئرمین نیب، پراسیکیوٹر جنرل اکاﺅنٹیبلٹی نیب، ڈی جی آپریشن نیب و ایلو سینئر افسرک بشخ ہلکر۔ نیب نا دا پالیسی ءِ کہ قومی احتساب بیورو نا ایگزیکٹو بورڈ نا دیوان نا بارواٹ تفصیل آتے اُلس نا مون آ تخے ہرا وڑ و ڈول تدوک آ کیہی سال تا سے مرسا ءِ ہرانا مسخت کس اسے نا اُست انا ہسونی اف۔ کل انکوائریک و انوسٹی گیشنک دوبہ غاتا بنداو آ بنا کننگانو ہراکہ حتمی افس۔ نیب کانود نا رداٹ کل ہمو بندغ آتیا ہم اوفتا سلاہ ءِ معلوم کننگ آن پد مستی کارروائی کننگ یا کپننگ نا فیصلہ کیک۔ قومی احتساب بیورو نا ایگزیکٹو بورڈ نا دیوان اٹ سی ای او میسرز ای آر پی ایل ارشد وحید و ایلوفتا برخلاف وڈی خوری نا ریفرنس دائر کننگ نا منظوری تننگا۔ دوبہ دار آتیا ایہن تو اختیار آتا ناجائز کاریم اٹ اتنگ نا دوبہ ءِ۔ قومی احتساب بیورو نا ایگزیکٹو بورڈ نا دیوان اٹ مسکوہی وزیراعظم نواز شریف و ایلوفتا برخلاف انوسٹی گیشن نا منظوری تس۔ قومی احتساب بیورو نا ایگزیکٹو بورڈ نا دیوان اٹ میاں محمد شہباز شریف، مسکوہی وزیراعلیٰ پنجاب، سرتاج عزیز مسکوہی سینیٹر، رانا محمد اقبال خان مسکوہی ڈی آئی جی ٹریفک پولیس پنجاب و ایلو مہر حامد رشید پنجاب اسمبلی نا باسک، مہر عبدالروف، ہیون ویلاز فیصل آباد نا مالک آک / ڈویلپر انتظامیہ و ایلو عتیق الرحمان، شیخ اعجاز احمد مسکوہی ایم پی اے و ایلو یونیورسٹی آف پنجاب نا پی ایچ ڈی ڈیفالٹنگ سکالر تا برخلاف انکوائری تا منظوری تس۔ قومی احتساب بیورو نا ایگزیکٹو بورڈ نا دیوان اٹ میاں محمد شہباز شریف مسکوہی وزیراعلیٰ پنجاب، جاوید محمود مسکوہی سیکرٹری ٹو وزیراعلیٰ پنجاب، احد خان چیمہ، مسکوہی ڈی جی ایل ڈی اے و ایلوفتا برخلاف انوسٹی گیشن وخت اس کہ ایف آئی ای ڈی ایم سی انوائرنمنٹ مینجمنٹ کمپنی فیصل آباد نا انتظامیہ، افسر و کارندہ و ایلو پنجاب انڈسٹریل اسٹیٹ ڈویلپمنٹ و مینجمنٹ کمپنی نا انتظامیہ افسر و کارندہ و ایلو لاہور ٹرانسپورٹ کمپنی نا انتظامیہ ، افسر و کارندہ و ایلو پنجاب میونسپل ڈویلپمنٹ فنڈ کمپنی نا انتظامیہ افسر و کارندہ و ایلوفک گوجرانوالہ ویسٹ مینجمنٹ کمپنی نا انتظامیہ افسر و کارندہ و ایلوفتا خلاف انکوائریک داسکان کن عدم شواہد نا بنداو آ کانود نا رداٹ بند کننگ نا منظوری تس۔