چیئرمین سینیٹ محمد صادق سنجرانی تون اسپیکر قومی اسمبلی اسدقیصر نا اوڑدہی
Get real time updates directly on you device, subscribe now.
اسلام آباد(اے پی پی) چیئرمین سینیٹ محمد صادق سنجرانی تون اسپیکر قومی اسمبلی اسد قیصر چیئرمین سینیٹ نا چیمبر اٹی اوڑدہی کرے۔ اوڑدہی ٹی انٹرپارلیمنٹری یونین نا گچین کاری نا بابت حکمت عملی آ سرجم گپ وتران کرسا اسیجا پارلیمانی پڑک اس ٹہیفنگ آ امنا کننگا۔ چیئرمین سینیٹ محمد صادق سنجرانی پارے کہ ہڑتوم آ ایوان تا اسیجا پارلیمانی پڑک مچ آ دنیا نا پارلیمان آتون رابطہ کاری ٹی بے کچ جوان پک مریک۔ اسپیکر قومی اسمبلی چیئرمین سینیٹ ءِ آئی پی یو نا کماشی نا پنداری آ مبارکباد پیش کرسا پارے کہ ساڑی پارلیمان ءِ ملکی تاریخ اٹی اولیکو وار آئی پی یو نا کماشی نا گچین کاری نا شرف دوئی مسنے و نا پن انا گچین کاری آن نئے بیرہ پاکستان بلکن مسلم ملک آتا شرف و تشخیص تالان مریک۔ آئی پی یو نا صدارتی گچین کاری ٹی بشخ ہلنگ پاکستان کن شرف اسے۔