کوشست ءِ کہ فٹنس آ کاریم کرسا ہر مسٹ انگا فارمیٹ آتیٹی ملک انا نمائندگی ءِ کیو‘ نسیم شاہ

ڈربی (مانیٹرنگ ڈیسک) قومی کرکٹ ٹیم نا ورنا غا  فاسٹ باؤلر نسیم شاہ پارینے کہ کوشست ءِ کہ فٹنس آ کاریم کرسا ہر مسٹ انگا فارمیٹ آتیٹی ملک آتا نمائندگی کیر۔ اسہ انٹرویو اسے ٹی نسیم شاہ پارینے کہ اونا انگلینڈ نا اولیکو دورہ ءِ، او باؤلنگ کوچ وقار یونس نا ساڑی گری ٹی زیات آن زیات ہیل نا کوشست ءِ کیرہ۔ نسیم شاہ پارینے کہ ای خوش قسمت اسے اُٹ ہرا ٹیسٹ کرکٹ اٹ اولیکو گوازی کننگ نا وارخواہی رسینگا۔ انتئے کہ ٹیسٹ کرکٹ گوازی کننگ آن پد چنکو وخت اسے ٹی کرکٹ آسان لگک۔ او پارینے کہ ویسٹ انڈیز و انگلینڈ نا سیریز ءِ ہرسا فائدہ مننگ اٹی ءِ۔