چیف جسٹس تون اوار 8جج انابرخلاف سپریم جوڈیشل کونسل اٹ ریفرنس دائر
چیف جسٹس پارلیمنٹ نا منظور کروک آ بل ءِ سماعت کن پک کرسا واکداری تیان جُپانے، تینا جندی فائدہ کن کوڈ آف کنڈکٹ نا خلاف ورزی مسنے، چیف جسٹس تینا سروکی ٹی غیرآئینی وڑ اٹ 8 باسکی بنچ اس ٹہیفے
اسلام آباد : چیف جسٹس پاکستان عمر عطا بندیال تون اوار سپریم کورٹ نا 8جج انا برخلاف سپریم جوڈیشل کونسل اٹ ریفرنس دائرکننگانے‘ پنی آ وکیل میاں داؤد ایڈووکیٹ ناکنڈآن دائر کروک ریفرنس اٹ آئین نا آرٹمیکل 209 و ججز کوڈ آف کنڈکٹ نا ٹک مسٹ آن شش و نُہہ انا خلاف ورزی ءِ بنداو جوڑ کننگانے‘سپریم جوڈیشل کونسل اٹ دائر ریفرنس اٹ چیف جسٹس بندیال تون اوار 8جج جسٹس اعجاز الاحسن، جسٹس منیب اختر، جسٹس مظاہر نقوی، جسٹس محمد علی مظہر، جسٹس عائشہ اے ملک، جسٹس حسن اظہر رضوی و جسٹس شاہد وحید ءِ پڑک آنبار اوار کننگانے‘ ریفرنس نا متن اٹ پاننگانے کہ چیف جسٹس بندیال پارلیمنٹ نا منظور کروک بل ءِ سماعت کن پن کرسا واکداری تیان جپانے۔ چیف جسٹس پارلیمنٹ نا بل انا سماعت کن تینا کماشی ٹی غیرآئینی وڑاٹ 8 باسکی بینچ ٹہیفے‘ چیف جسٹس درخواست آتا سماعت کن بینچ انا تینٹ کماشی ءِ کرسا مس کنڈکٹ کرینے‘ وخت اس کہ ایلو 7جج ہم پارلیمنٹ نا بل آ سماعت و اودے معطل کرسا آئین وکانود و کوڈ آف کنڈکٹ نا خلاف ورزی ءِ کرینو‘ ریفرنس نا متن اٹ مستی نشاندہی کننگانے کہ ڈاکٹر مبشر حسن کیس اٹ 17 باسکی فل کورٹ و اعتزاز احسن کیس اٹ 12 باسکی بنچ بل انا برخلاف حکم امتناعی جاری کپننگ نا اصول ءِ پک کرینے ولے داکان پد ہم کم کچ والا8 جج پارلیمنٹ نا بل انابرخلاف حکم امتناعی جاری کرسا ڈاکٹر مبشر حسن و اعتزاز احسن کیس انا وڑ گیشتری جج انا فیصلہ نا پابندی ءِ کپرسا کانود نا خلاف ورزی کرینو۔ ریفرنس اٹ مستی دوبہ خلنگانے کہ چیف جسٹس بندیال تینا ذاتی، سیاسی و فائدہ غاتا رکھ ءِ کرسا کوڈ آف کنڈکٹ نا خلاف ورزی کرینے وخت اس کہ آخبت نا گمانی چیف جسٹس آک جسٹس اعجاز الاحسن، جسٹس منیب، جسٹس عائشہ و جسٹس شاہد وحید 8باسک بینچ اٹ اوار مرسا کوڈ آف کنڈکٹ نا خلاف ورزی کرینو‘ کوڈ آف کنڈکٹ نا رد اٹ ہراڑے جج آتا فائدہ غاک خننگر ہموڑے المی رکھ خلنگانے کہ جج آک دا کیس آن تینٹ جتا مریر ولے چیف جسٹس بندیال تون اوار آخبت نا چیف جسٹس آک دا المی آئینی رکھ ءِ گوجالسا کوڈ آف کنڈکٹ نا خلاف ورزی کرینو‘ ریفرنس اٹ مستی پاننگانے کہ چیف جسٹس پاکستان عمر عطاء بندیال کرپشن نا دوبہ خلنگوک جسٹس مظاہر نقوی ءِ رکھ ترسا آئین و مس کنڈکٹ کرے و اوپن کورٹ اٹ بیان تس کہ جسٹس مظاہر نقوی ءِ اوار تولفسا کس ءِ کلہو تننگا او تینا جج اتون تفوک ءِ‘ ٹیکس جھیڑہ غا جج انا برخلاف ٹرائل کننگ مفک۔
(آن لائن)