احساس پروگرام نا کمک اٹ لکھ آبندغ آتے شفاف وڑ اٹ پیسہ تننگانے‘ پرنس قادر بلوچ
Get real time updates directly on you device, subscribe now.
نوشکے (تلارحوالکار) پاکستان تحریک انصاف نوشکے نا ضلعی صدر و سی سی ممبر چیف آف رخشانی سردار پرنس عبدالقادر بلوچ پارینے کہ احساس پروگرام غریب آتا است اٹ تینکن جاگہ جوڑ کرے‘ تاریخ نا اولیکو وزیراعظم عمران خان ءِ ہرا مصیبت و مشکل نا ساہت اٹ احساس پروگرام نا کمک اٹ دا وخت اسکان لکھ آبندغ آتے شفاف وڑ اٹ پیسہ تسنے۔ اوپارے کہ مصیبت نا دا ساہت اٹ وزیراعظم عمران خان احساس پروگرام ءِ مچ آ ملک اٹ بنا کرسا غریب خاہوت آتے تینا کرینے۔ احساس پروگرام نا رد اٹ دا وخت اسکان شفاف وڑ اٹ لکھ آبندغ آتے پیسہ رسینگانے‘ اوپارے کہ پاکستان اٹ کس ءِ الس نا حق خلنگ کن الیپنہ‘ مسکوہی حکمران آک ملک ءِ لٹار و غریب آتا حق آتے خلکر‘ بے نظیر انکم سپورٹ پروگرام آن افسر شاہی تینے سیر تس و غریب آتا پیسہ غاتے کُنگ ولے عمران خان شفافیت ءِ برجا تخا و غریب آتا حق ءِ اوفتیکن سر کرے و داکان پد سر کرسا کیک۔ او پارے کہ کورونا غان ہراڑے مچ آدنیا زہمی ءِ و داڑے پاکستان نا الس ہم بھاز زہمی ءِ‘ لاک ڈاﺅن ناسوب آن دیہاڑی کروک مزورکار آک بھاز زہمی مسنو ولے دا حالیت اٹ وزیراعظم عمران خان ہمت اٹ کاریم کرسا بھاز عقلمندی و ہوشیاری اٹ باندات آتے چلیفنگ ءِ ہراکہ ستا کڑزرہ و 22 الس اوڑا گمر کیک۔