زیارت: ڈپٹی کمشنر عبدالقدوس اچکزئی نا کماشی ٹی فلیگ مارچ ریلی
Get real time updates directly on you device, subscribe now.
زیارت، زیارت اٹی یومِ آزادی نا تیاری تا رد اٹ ڈپٹی کمشنر عبدالقدوس اچکزئی نا کماشی ٹی فلیگ مارچ نا بست و بند کننگا۔ ڈپٹی کمشنر زیارت عبدالقدوس اچکزئی نا کماشی ٹی ڈسٹرکٹ انتظامیہ زیارت و پولیس نا کنڈ آن جشنِ آزادی نا وخت آ فلیگ مارچ ریلی اڈ تننگا‘ ریلی ٹی ڈسٹرکٹ پولیس آفیسر عبدالمالک درانی، اسسٹنٹ کمشنر شیر شاہ غلزئی ہم بشخ ہلکر۔ ریلی آن تران کرسا ڈپٹی کمشنر عبدالقدوس اچکزئی پارے کہ یومِ آزادی پاکستان قومی تاریخ نا اسہ عظیم ءُ دے اسے، ہرادے ضلع زیارت اٹی جوش، جوزہ و ملی یکجہتی اٹ اڈ تننگ کن تیاریک پورو ءُ۔ او پارے کہ یومِ آزادی نا دود آتے گچین وڑ اٹ اڈ تننگ کن جتا جتا سرکاری و السی ہند آتے قومی بیرک، بینر آتیٹ زیبدار کننگانے۔ 14 اگست ننا حب الوطنی نا جوزہ نا دے ءِ‘ دا دے ءِ اڈ تننگ ننا زمواری ءِ‘ دا دے ننے امن و سلامتی و ایلمداری نا کسر ہیل ایتک۔ دا ملک ءِ نن اسہ شوندار و سوگو ملک اس جوڑ کینہ۔