دالبندین: جشن آزادی نا رد اٹ کار ریلی اس اڈ تننگا

چاغی، مسکوہی چیئرمین سینیٹ و صوبائی اسمبلی نا باسک حاجی صادق خان سنجرانی، مسکوہی سلاہکار میر اعجاز خان سنجرانی نا پارت آ یومِ پاکستان نا رد اٹ دالبندین اٹی کار ریلی اڈ تننگا ہراٹی بھلو کچ اسے ٹی شاری، قبائلی متبر‘ خان پینل، بی اے پی نا سرکڑدہ و ورناک بشخ ہلکر۔ ریلی نا بنا خان ہاؤس داؤد آباد آن مس و دالبندین شار انا جتا جتا شاہراہ تیا گشت کرسا ایسر مس۔ بشخ ہلوک آک پاکستان زندہ باد و پاک فوج زندہ باد نا نعرہ خلکر، وخت اس کہ گاڈی تیا پاکستانی بیرک خلنگاسس۔ ریلی نا کماشی ءِ ڈسٹرکٹ چیئرمین میر عبد الودود خان سنجرانی کرے۔