بلوچستان اٹی مونی بروک آ کورونا نا بھارتی وڑ ڈیلٹا زیات خطرناک

کوئٹہ نا فاطمہ جناح ہسپتال نا ڈاکٹر شیرین خان پارینے کہ بلوچستان اٹی مونی بروک آ کورونا نا بھارتی وڑ ڈیلٹا ویرینٹ زیات کسفنگ نا سوب ءِ۔

کوئٹہ ٹی میڈیا تون ہیت و گپ کرسا ڈاکٹر شیرین خان پارے کہ ڈیلٹا ویرینٹ نا ناجوڑ آتا ناجوڑی نا وخت بھاز کم مریک۔ داٹی بھلو اِڷ اس کیک، و بدن خڷ کیک۔ و دا بھاز زُو پِف آتے زہمی کیک۔ دانا چاہنگ انگ کن ہم وخت بھاز کم رسینگک۔

او پارے کہ صوبہ ٹی مہالو بھلا وءی انا بندغ آتے کورونا مننگ ءس، داسہ نیامی وءی انا ورنا تے ہم کورونا مننگ اٹی ءِ۔

ڈاکٹر شیرین خان پارے کہ فاطمہ جناح ہسپتال اٹی کورونا نا ہنداخس ناجوڑ بننگ ءُ کہ بیڈ آک سی منٹ اکن ہم خورک سلپسہ۔