کوئٹہ ٹی گرین بس سروس ءِ زُو آپریشنل کننگ نا پڑو

حکومت ساڑی دور انا گرج آتے مون آ تخانے، الس نا آسراتی تا رد اٹ اولیکو ریسہ ٹی 16 بس چلیفنگک، ہرا سریاب روڈ و بلیلی روٹ آ چلیفنگرہ، اسلم بلوچ

0

Get real time updates directly on you device, subscribe now.

کوئٹہ : صوبائی سیکرٹری ٹرانسپورٹ ڈیپارٹمنٹ بلوچستان ڈاکٹر محمد اسلم بلوچ پارینے کہ صوبائی حکومت شاری تے سفری آسراتی فراوان کننگ کن گرین بس سروس ءِ زوت آن زوت آپریشنل کننگ کن وس انا کچ آ گام گیج کننگ اٹی ءِ۔ گرین بس سروس نا رداٹ اولیکو ریسہ ٹی 16 بس چلیفنگک ہراکہ سریاب روڈ و بلیلی روڈ آ چلیفک تانکہ کوئٹہ نا الس ءِ پوسکن و گچین سفری آسراتی دُوبرے۔ داخیال آتا درشانی ءِ او گرین بس سروس ءِ آپریشنل کننگ نا بابت اڈ ہلوک دیوان نا کماشی ءِ کرسا کرے۔ داوخت آ ایم ڈی ٹریفک انجینئرنگ بیورو ڈاکٹر سجاد بلوچ، چیف آرگنائزر آفیسر پی پی پی ڈاکٹر فیصل، جی ایم این آرٹی سی اسلام آباد سلمان شاہین، ڈپٹی سیکرٹری منور احمد مگسی، سیکرٹری آرٹی اے کوئٹہ منظور احمد پہنور و ایلوفک ساڑی ئسر۔ اوپارے کہ ساڑی حکومت ساڑی دور انا گرج آتے مون آ تخسا ٹرانسپورٹ نا گچینی کن گچین گام گیج کننگ اٹی ءِ گرین بس سروس نا فنکشنل مننگ آن شاری تے پوسکن آ بس و گچین چاگڑد اس دوئی مریک۔ اوپارے کہ گرین بس سروس کن بس اسٹاپ و ٹرمینل آتیکن گام گیج کننگ انگ ءِ۔ اوپارے کہ حکومت بلوچستان نا کنڈآن الس ءِ لوکل ٹرانسپورٹ تون تعلقدار گچین آسراتی فراوان کننگ کن پوسکن و آرام دہ بس ءِ زوت آن زوت آپریشنل کننگک۔ ہراڑان مخلوق ءِ لوکل ٹرانسپورٹ نا گچین آسراتی دوبریک۔ اوپارے کہ کوئٹہ نا شاری تے پوسکن آ سفری آسراتی تیکن گرین بس سروس پروجیکٹ بھاز اہمیت تخک۔ داپروجیکٹ نا سرسہبی آن پد دا ڈٹ ءِ شار انا ایلو روٹ آتسکان ودفنگک۔ اوپارے کہ حکومت نا کنڈآن کروک آ گام گیج آتیان نئے بیرہ شاری تے گچین سفری آسراتی دُوبریک بلکن ٹریفک نا بابت مشکل آتیٹی ہم کمتی بریک۔ اوپارے کہ گرین بس سروس اٹی الس نا آسراتی کن ہرممکن گام گیج کننگک تانکہ شاریک مشکل آتون مون تفس۔ اوپارے کہ الس ءِ پوسکن آ گچین و رکھ سفری آسراتی فراوان کننگ ءِ اولیت ایتنہ۔

(اے پی پی)

Get real time updates directly on you device, subscribe now.

Leave A Reply

Your email address will not be published.